കവന്ട്രി ബ്ലൂസ് ക്രിക്കറ്റ് ക്ലബ്ബിന്റെ ആഭിമുഖ്യത്തില് സംഘടിപ്പിക്കുന്ന രണ്ടാമത് ക്രിക്കറ്റ് ടൂര്ണമെന്റ് ഓഗസ്റ്റ് 3 ഞായറാഴ്ച യൂണീവേഴ്സിറ്റി ഓഫ് വാർവിക്ക് ക്രിക്കറ്റ് ഗ്രൗണ്ടില് വെച്ച് നടക്കും.ക്നോക്ഔട്ട് അടിസ്ഥാനത്തില് നടത്തുന്ന മത്സരത്തില് യുകെയിലെ മികച്ച 8 മലയാളി ക്ലബുകളാണ് പങ്കെടുക്കുന്നത്. ആദ്യ സ്റ്റേജ് മത്സരങ്ങളില് വിജയിക്കുന്ന 4 ടീമുകള് സെമി ഫൈനലില് മാറ്റുരക്കുന്നതാണ്.സെമി ഫൈനലില് വിജയിക്കുന്ന 2 ടീമുകള് തമ്മില് ഫൈനലില് മാറ്റുരക്കുന്നതാണ്.
ആതിഥേയരായ കവന്ട്രി ബ്ലൂസിനെ കൂടാതെ കഴിഞ്ഞ വര്ഷത്തെ ചാമ്പ്യന് സ്റ്റൈന്റ് ജോര്ജ് മാഞ്ചെസ്റ്റര്, ലെസറ്റര് സ്ട്രയിക്കെര്്സ്, വാര്വിക്ക് കോബ്ര, ഫിനിക്സ് നോര്തംപറ്റണ്, വോകിംഗ് ക്രിക്കറ്റ് ക്ലബ്, കാര്ഡിഫ് കമൊസ് , ഗ്ലൗസെസ്റ്റര് ക്രിക്കറ്റ് ക്ലബ് എന്നീ ടീമുകളും പങ്കെടുക്കുന്നു.
401 പൗണ്ടും ട്രോഫിയും പ്രഖ്യാപിച്ചിട്ടുള്ള ഈ ടൂര്ണമെന്ടില് രണ്ടാം സമ്മാനം 201 പൗണ്ടും ട്രോഫിയും ആയിരിക്കും. മികച്ച ബൗളര്ക്കും മികച്ച ബാറ്റ്സ്മാനും പ്രത്യേകം ട്രോഫികളും നല്കുന്നതാണ്.ടൂര്ണമെന്റില് കാണികള്ക്കും, കളിക്കാര്ക്കും വേണ്ടി സൌത്ത് ഇന്ത്യന് ഫുഡ് സറ്റാള് പ്രവര്ത്തിക്കുന്നതാണ്.യുകെയിലെ എല്ലാ ക്രിക്കറ്റ് പ്രേമികളെയും ടൂര്ണമെന്റിലേക്ക് സ്വാഗതം ചെയ്യുന്നു.
Address : Cryfield Pavilion, Leighfield Road, Universtiy of Warwick, Covetnry, West Midlands. CV4 7AL.