ചിക്കൻ / മട്ടൻ ബിരിയാണി
1. കോഴി - ഒന്നരക്കിലോ
2. ബിരിയാണി അരി - 3 നാഴി ( 3 ടീമഗ് നിറച്ച് )
3. പുതിനയില , മല്ലിയില - ഓരോ പിടി വീതം
4. മുട്ട - 6 എണ്ണം
5. സവോള - 5 എണ്ണം 2 സവോള കനം കുറച്ച് വറുത്തു കോരുക , 3 എണ്ണം കൊത്തി അരിയുക .
6. തക്കാളി 4 വലുത് - ചെറുതായി അരിയുക
7. ഇഞ്ചി - 1 വലിയ കഷണം ( കൊത്തി അരിയുക )
8. വെളുത്തുള്ളി - അരക്കപ്പ് ( കൊത്തി അരിയുക )
9. പച്ച മുളക് - 25 അല്ലെങ്കിൽ 30 എരുവ് ആവശ്യത്തിനു ( അറ്റം പിളർന്നത് )
10. പട്ട , ഗ്രാമ്പൂ ,
11. മുന്തിരി, അണ്ടിപ്പരിപ്പ് - വറുത്തു എടുക്കുക
കോഴി മുറിച്ച് കഷണങ്ങളാക്കി കഴുകി പുളി വെള്ളത്തിൽ വൃത്തിയാക്കി വയ്ക്കുക. ഒരു ചീനച്ചട്ടി അടുപ്പിൽ വച്ച് എണ്ണ ഒഴിച്ച് സവോള , ഇഞ്ചി , വെളുത്തുള്ളി കൊത്തി അരിഞ്ഞതും പച്ച മുളകും ഇട്ട് മൂപ്പിക്കുക . ഒരു വിധം മൂക്കുമ്പോൾ ( സ്വൽപം ബ്രൌണ്‍ കളർ ആകുമ്പോൾ ) അരിഞ്ഞു വച്ചിരിക്കുന്ന തക്കാളി ഇട്ട് മൂപ്പിക്കുക .തക്കാളി മൂത്ത് അലിയുമ്പോൾ കഴുകി വച്ചിരിക്കുന്ന കോഴിയും, പുതിനയിലയും മല്ലിയിലയും ഇട്ട് വേവിക്കുക .ഉപ്പു ,പുളി , മസാലയെല്ലാം പാകമാണോ എന്ന് നോക്കി ഇറക്കാം .
സ്വൽപം ചാറ് ഉണ്ടായിരിക്കണം.
ഒരു പാത്രത്തിൽ വെള്ളം അടുപ്പിൽ വച്ച് തിളക്കുമ്പോൾ പട്ടയും ഗ്രാമ്പുവും ഇട്ട് ഇളക്കി അരി ഇട്ട് വേകുമ്പോൾ വാർത്തെടുത്ത് നിരത്തിയിടുക . വെന്തു പോകരുത് , അരി നേരത്തെ കഴുകി വാരി വക്കണം . ഒരു ചീനച്ചട്ടി അടുപ്പിൽ വച്ച് ആദ്യം ഒരു തവി ചാറ് ഒഴിച്ച് , പിന്നെ ചോറ് , പിന്നെ കഷണങ്ങൾ, ചാറ് പിന്നെ ചോറ് കഷണങ്ങൾ ഇങ്ങനെ ഇട കലർത്തി ഇടുക . അതിനു ശേഷം മൊത്തം ഒന്ന് പയ്യെ മറിച്ച് യോജിപ്പിക്കുക . ഒത്തിരി ഇളക്കരുത് .
സവോള വറുത്തതും , അണ്ടിപ്പരിപ്പും , മുന്തിരിയും ചോറിന്റെ ഇടയില ഇട്ട് മിക്സ് ചെയ്യുകയോ...പ്ലേറ്റിൽ എടുക്കുമ്പോൾ മീതെ ഇട്ട് അലങ്കരിക്കുകയോ ചെയ്യാം ..മുട്ട നടുവിൽ വച്ച് ചൂടോടെ വിളമ്പാം .
NB : കറിയും ചോറും ചൂടോടു കൂടി ലെയര് ചെയ്‌താൽ നന്നായിരിക്കും . അതെ പോലെ നല്ല ചൂടോടു കൂടെ വിളമ്പുകയും ചെയ്യണം . സാലഡ്, പപ്പടം , അച്ചാർ കൂട്ടി വിളമ്പാം .
