ഷെഫീൽഡ് സ്‌ട്രൈക്കേഴ്‌സ് വോളീബോൾ ക്ലബ്ബിന്റെ ആഭിമുഖ്യത്തിൽ ഇദംപ്രഥമായി ഓൾ യുകെ ഇൻഡോർ വോളീബോൾ ടൂർണമെന്റ് ഒക്ടോബർ 8ന് ഷെഫീൽഡ് ഇൻസ്റ്റിട്ട്യൂട്ട് ഓഫ് സ്പോർട്സിൽ (EIS) വച്ച് നടത്തപ്പെടുന്നു.
2012 ൽ 8 പേർ ചേർന്ന് രൂപീകരിച്ച ക്ലബ്ബ്‌ നിലവിൽ ഷെഫീൽഡിലെ 25 ൽ പരം വോളീബോൾ പ്രേമികൾക്കു ആവേശവും വോളിബോൾ പരിശീലിക്കുവാനുള്ള കളരിയുമായി മാറിയപ്പോൾ, മലയാളിയുടെ നിത്യജീവിത്തിന്റെ ഭാഗമായിരുന്ന ഈ കായിക വിരുന്ന് യുകെയിൽ വളരുന്ന പുതുതലമുറക്ക്‌ ഒരു ആവേശമായി മാറ്റുന്നതിന്റെ ഭാഗമായിട്ടു കൂടിയാണു മൽസരം സംഘടിപ്പിക്കുവാൻ ക്ലബ് തീരുമാനിച്ചത്‌.
രാവിലെ 9 മണിക്ക് തുടങ്ങുന്ന മത്സരത്തിൽ ഒന്നും രണ്ടും സ്ഥാനങ്ങൾ നേടുന്ന ടീമിന് ട്രോഫിയും ക്യാഷ് അവാർഡും ഏറ്റവും നല്ല കളിക്കാരനു വ്യക്തിഗത സമ്മാനവും നൽകുന്നതായിരിക്കും
ഈ പ്രവാസ ജീവിതത്തിൽ നമ്മുടെ നാടിന്റെ സ്നേഹവും, സൗഹൃദവും, സഹകരണവും, മാത്സര്യ വീര്യവും, ആവേശവും, വാശിയും ഒട്ടും ചോർന്നു പോകാതെ ഒരുക്കുന്ന ഈ ആവേശ പോരാട്ടത്തിൽ മാറ്റുരക്കുവാനായി യുകെയിലെ പ്രമുഖരായ പത്തോളം ടീമുകൾ ഇതിനോടകം തന്നെ പേരുകൾ നൽകിയിട്ടുണ്ട്‌. ഇനിയും പേരു നൽകുവാനാഗ്രഹിക്കുന്ന ടീമുകൾ എത്രയും വേഗം ഭാരവാഹികളുമായി ബന്ധപ്പെടേണ്ടതാണ്.
ഷെഫീൽഡ് സ്‌ട്രൈക്കേഴ്‌സിന്റെതാണ് ഈ പ്രഥമ സംരഭം ഒരു വൻ വിജയമാക്കി തീർക്കുന്നതിനായി എല്ലാ കായികപ്രേമികളെയും ഷെഫീൽഡ് ഇൻസ്റ്റിട്ട്യൂട്ട് ഓഫ് സ്പോർട്സ് സെന്ററിലേക്കു ഹാർദ്ദവമായി സ്വാഗതം ചെയ്യുന്നു.
ടോണി സ്കറിയ
