CURRENCY RATE -
1 GBP :
0.00 INR
1 EUR :
0.00 INR
1 USD :
0.00 INR
Last Updated :
1 Minutes 29 Seconds Ago
Breaking Now

റഷ്യ ലക്ഷ്യം വെയ്ക്കുന്നത് ബ്രിട്ടീഷ് ജനതയെ; ലാപ്‌ടോപ്പുകളും, ഫോണുകളും, അവശ്യ സേവനങ്ങളും തകര്‍ക്കാന്‍ സൈബര്‍ ഏജന്റുമാര്‍ ഒരുങ്ങുന്നു; ജാഗ്രത പാലിക്കുക!!!

ഇന്റര്‍നെറ്റ് സേവനദാതാക്കള്‍ വഴി കണക്ടിവിറ്റിയാണ് ഇപ്പോള്‍ ലക്ഷ്യമിടുന്നത്

ബ്രിട്ടനില്‍ സൈബര്‍ അക്രമണങ്ങള്‍ നടത്താന്‍ റഷ്യ സുസജ്ജം. യുകെ ഭവനങ്ങളിലും, ജനങ്ങളുടെ കൈകളിലുമുള്ള ഫോണുകളെ വരെ തകര്‍ക്കാനാണ് സൈബര്‍ ഏജന്റുമാര്‍ തയ്യാറെടുക്കുന്നതെന്നാണ് വിവരം. ലാപ്‌ടോപ്പിലും, ഫോണിലും കടന്നുകയറാന്‍ ഇടയുള്ള ഇടങ്ങളെക്കുറിച്ച് യുഎസ്, യുകെ സൈബര്‍ പ്രതിരോധ വിഭാഗങ്ങള്‍ അന്വേഷണത്തിലാണ്. റഷ്യ അക്രമിച്ചാല്‍ പ്രതിരോധിക്കുമെന്നൊക്കെ ബ്രിട്ടന്‍ പറയുന്നുണ്ടെങ്കിലും ഏത് വഴിക്കാണ് പണി വരുന്നതെന്ന ആശങ്ക വ്യാപകമാണ്. 

ബ്രിട്ടന്റെ അടിസ്ഥാന പ്രവര്‍ത്തനങ്ങളെ താളം തെറ്റിക്കാനാണ് ഭവനങ്ങളെ ലക്ഷ്യം വെയ്ക്കുന്നത്. ജനങ്ങളെ നേരിട്ട് ബാധിക്കുന്നതോടെ സര്‍ക്കാര്‍ സമ്മര്‍ദത്തിലാകും. ലാപ്‌ടോപ്പിലും, ഫോണിലും കടന്നുകയറി ഒളിച്ചിരിക്കാനുള്ള നീക്കങ്ങളാണ് ഇപ്പോള്‍ നടക്കുന്നത്. അക്രമിക്കാന്‍ ഉത്തരവ് ലഭിച്ചാല്‍ ഒറ്റയടിക്ക് നടപ്പാക്കുകയാണ് ഉദ്ദേശം. ബ്രിട്ടന്റെ എനര്‍ജി ശൃംഖലയെയും, സൈനിക, എമര്‍ജന്‍സി സര്‍വ്വീസുകളെയും ബാധിക്കുന്നതായും സൈബര്‍ അക്രമണമെന്നാണ് നേരത്തെ കരുതിയിരുന്നത്. 

ഇന്റര്‍നെറ്റ് സേവനദാതാക്കള്‍ വഴി കണക്ടിവിറ്റിയാണ് ഇപ്പോള്‍ ലക്ഷ്യമിടുന്നത്. ഇതുവഴി എല്ലാവരിലേക്കും ചാരപ്രവര്‍ത്തനം നടത്താന്‍ വഴിയൊരുങ്ങും. റൗട്ടറിലേക്ക് എത്തിയാല്‍ പിന്നെ കാര്യങ്ങള്‍ എളുപ്പമാണ്. പാസ്‌വേര്‍ഡുകള്‍ വരെ സിംപിളായി ഇവരുടെ കൈയിലെത്തും. നിലവില്‍ ചാരന്‍മാര്‍ ശേഖരിക്കുന്ന വിവരങ്ങള്‍ ഇപ്പോള്‍ എടുത്ത് പ്രയോഗിച്ചില്ലെങ്കിലും പിന്നീട് ഉപയോഗിക്കാന്‍ ഇടയുണ്ടെന്നാണ് എഫ്ബിഐ വെളിപ്പെടുത്തുന്നത്. നിലവിലെ സാഹചര്യത്തില്‍ ഇന്റര്‍നെറ്റ് ഉപയോഗം അത് കമ്പ്യൂട്ടറിലോ, ഫോണിലോ ആയാലും ശ്രദ്ധയോടെയാകണം എന്നാണ് മുന്നറിയിപ്പ്. 




കൂടുതല്‍വാര്‍ത്തകള്‍.