CURRENCY RATE -
1 GBP :
0.00 INR
1 EUR :
0.00 INR
1 USD :
0.00 INR
Last Updated :
10 Minutes 6 Seconds Ago
Breaking Now

മാര്‍പ്പാപ്പയുടെ മൂന്നു കോടിയുടെ സ്‌പെഷ്യല്‍ ലംബോര്‍ഗിനി ലേലം ചെയ്തു ; ലഭിച്ച 388 കോടി ജീവകാരുണ്യ പ്രവര്‍ത്തനത്തിന്

വെള്ളയും സ്വര്‍ണവും കലര്‍ന്ന നിറത്തില്‍ പോപ്പിനുവേണ്ടി പ്രത്യേകമായി രൂപകല്‍പന ചെയ്ത ഈ ഹ്യുറാകാന് മൂന്ന് കോടിയോളം രൂപ വില വരും.

ഇറ്റാലിയന്‍ ആഡംബര വാഹന നിര്‍മാതാക്കളായ ലംബോര്‍ഗിനി സമ്മാനമായി നല്‍കിയ സ്‌പെഷ്യല്‍ എഡിഷന്‍ ഹ്യുറാകാന്‍ സൂപ്പര്‍ കാര്‍ ഫ്രാന്‍സിസ് മാര്‍പാപ്പ ലേലം ചെയ്യ്തു. 388 കോടി (5.76 കോടി ഡോളര്‍) രൂപയ്ക്കാണ് കാര്‍ ലേലത്തില്‍ പോയത്. ഐഎസ് ആക്രമണത്തില്‍ നിരാലംബരായ ഇറാഖി ജനതയുടെ ജീവകാരുണ്യ പ്രവര്‍ത്തനത്തിനും മറ്റുമായാണ് തുക വിനയോഗിക്കുക. വെള്ളയും സ്വര്‍ണവും കലര്‍ന്ന നിറത്തില്‍ പോപ്പിനുവേണ്ടി പ്രത്യേകമായി രൂപകല്‍പന ചെയ്ത ഈ ഹ്യുറാകാന് മൂന്ന് കോടിയോളം രൂപ വില വരും.

കഴിഞ്ഞ വര്‍ഷം നവംബറിലാണ് പോപ്പിനു വേണ്ടി പ്രത്യേകം തയ്യാറാക്കിയ ഹ്യുറാകാന്‍ സൂപ്പര്‍ കാര്‍ കമ്പനി ഫ്രാന്‍സീസ് മാര്‍പ്പാപ്പയ്ക്ക് സമ്മാനിച്ചത്. മാര്‍പാപ്പയുടെ വസതിക്ക് മുന്നില്‍ വച്ചാണ് ലംബോര്‍ഗിനി അധികൃതര്‍ കാര്‍ മാര്‍പാപ്പയ്ക്ക് സമ്മാനിച്ചത്. കാറിനെ ആശിര്‍വദിച്ചശേഷം ബോണറ്റില്‍ മാര്‍പാപ്പ തന്റെ കൈയൊപ്പ് രേഖപ്പെടുത്തുകയും ചെയ്തിരുന്നു. ഫ്രാന്‍സിലെ മോണ്ടേ കാര്‍ലോയിലെ ഒരു സ്ഥാപനം വഴിയായിരുന്നു ലേലം. ലേലത്തില്‍ ആരാണ് കാര്‍ സ്വന്തമാക്കിയതെന്ന് വ്യക്തമല്ല.

ലളിത ജീവിതം നയിക്കുന്ന മാതൃക പരമായ നിലപ്പാടുകള്‍ പുലര്‍ത്തുകയും ചെയ്ത് ലോകത്തിന്റെ തന്നെ പ്രിയങ്കരനായ മാര്‍പാപ്പ ഇതിനു മുന്‍പും സമ്മാനമായി ലഭിച്ച വാഹനങ്ങള്‍ ലേലം ചെയ്തിട്ടുണ്ട്. 2014 ല്‍ സമ്മാനമായി ലഭിച്ച ഹാര്‍ലി ഡേവിഡ്‌സണ്‍ ബൈക്കും പോളണ്ട് സന്ദര്‍ശനത്തിനിടെ ഉപയോഗിച്ച വോള്‍ക്‌സ്വാഗന്‍ ഗോള്‍ഫ് കാറും ഇതിന് മുമ്പ് ലേലം ചെയ്തിട്ടുണ്ട്. 3.4 സെക്കന്‍ഡിനുള്ളില്‍ 100 കിലോമീറ്റര്‍ വേഗം കൈവരിക്കാന്‍ കഴിയുന്ന കാറാണു മാര്‍പാപ്പയ്ക്കു സമ്മാനിച്ചത്. പരമാവധി വേഗം മണിക്കൂറില്‍ 320 കിലോമീറ്ററാണ്.

 




കൂടുതല്‍വാര്‍ത്തകള്‍.