CURRENCY RATE -
1 GBP :
0.00 INR
1 EUR :
0.00 INR
1 USD :
0.00 INR
Last Updated :
2 Minutes 6 Seconds Ago
Breaking Now

ഗ്രൗണ്ടില്‍ നിങ്ങളുടെ രക്തം കൊണ്ട് അഭിഷേകം നടത്തും; ലോകകപ്പിനെത്തുന്ന ക്രിസ്റ്റ്യാനോ റൊണാള്‍ഡോയുടെയും, ലയണല്‍ മെസ്സിയുടെയും തലയറുക്കുമെന്ന ഭീഷണിയുമായി ഇസ്ലാമിക് സ്‌റ്റേറ്റ്

ലോകകപ്പ് വേദിയില്‍ തങ്ങളുടെ ഏകാംഗ അക്രമികളോട് ഭീകരാക്രമണം നടത്താന്‍ ഇസ്ലാമിക് സ്‌റ്റേറ്റ് ആഹ്വാനം

അടുത്ത മാസം റഷ്യയില്‍ ഫുട്‌ബോള്‍ ലോകകപ്പ് ആരംഭിക്കുന്നതിന് മുന്നോടിയായി ഭീകരാക്രമണം നടത്തുമെന്ന ഭീഷണിയുമായി ഇസ്ലാമിക് സ്‌റ്റേറ്റ് വീഡിയോ. ലോകകപ്പ് നടക്കുമ്പോള്‍ ക്രിസ്റ്റിയാനോ റൊണാള്‍ഡോയുടെയും, ലയണല്‍ മെസ്സിയുടെയും തലയറുത്ത് ഗ്രൗണ്ടില്‍ രക്താഭിഷേകം നടത്തുമെന്നും ഐഎസ് ഭീഷണി മുഴക്കുന്നു. ഇതിന്റെ രംഗങ്ങള്‍ നിര്‍മ്മിച്ച് വീഡിയോയില്‍ ചേര്‍ത്തിട്ടുണ്ട്.

ലോകകപ്പ് വേദിയില്‍ തങ്ങളുടെ ഏകാംഗ അക്രമികളോട് ഭീകരാക്രമണം നടത്താന്‍ ഇസ്ലാമിക് സ്‌റ്റേറ്റ് ആഹ്വാനം ചെയ്യുന്നു. സിറിയയിലും, ഇറാഖിലും പിടിച്ചുനില്‍ക്കാന്‍ കഴിയാതെ ശക്തി ക്ഷയിച്ച് തുടങ്ങിയ ഐഎസ് ഈയടുത്തായി നിരവധി ഭീഷണികള്‍ പുറത്തുവിട്ടിരുന്നു.

ഫുട്‌ബോള്‍ സ്‌റ്റേഡിയത്തില്‍ ജിഹാദികള്‍ റൊണാള്‍ഡോയുടെയും, മെസ്സിയുടെ തല അറുത്തെടുത്ത ചിത്രമാണ് ഐഎസ് രംഗത്തിറക്കിയിട്ടുള്ളത്. 'നിങ്ങള്‍ രക്തം ഗ്രൗണ്ടില്‍ ഒഴുകും' എന്ന തലക്കെട്ടോടെയാണ് ചിത്രം. ഇസ്ലാമിക് സ്‌റ്റേറ്റിന്റെ നീക്കങ്ങള്‍ നിരീക്ഷിക്കുന്ന സൈബര്‍ ഇന്റലിജന്‍സ് വിഭാഗമാണ് ഫുട്‌ബോള്‍ ലോകകപ്പില്‍ അക്രമം നടത്താനുള്ള ഭീഷണി കണ്ടെത്തിയത്.

ടെലിഗ്രാമിലാണ് ഐഎസ് ഈ പ്രചരണം നടത്തുന്നത്. ഈ മാസം ആദ്യം മുതല്‍ റഷ്യയിലെ ലോകകപ്പ് വേദികളില്‍ അക്രമണം നടത്താന്‍ തീവ്രവാദ സംഘടന ആഹ്വാനം ചെയ്തുവരുന്നു. ഭീഷണികള്‍ ഉയര്‍ന്ന സാഹചര്യത്തില്‍ റഷ്യന്‍ സുരക്ഷാ സേനകള്‍ ജാഗ്രത പുലര്‍ത്തുകയാണ്. പ്രത്യേകിച്ച് സിറിയന്‍ പ്രസിഡന്റ് ബാഷര്‍ അല്‍ അസദിന് റഷ്യ നല്‍കുന്ന പിന്തുണ ഐഎസിനെ ചൊടിപ്പിച്ചിട്ടുണ്ട്.

ഫുട്‌ബോള്‍ ലോകകപ്പ് തുടങ്ങുന്നതിന് മുന്നോടിയായി തീവ്രവാദ വിരുദ്ധ വിഭാഗങ്ങള്‍ നടത്തിയ തെരച്ചിലില്‍ 11 ജിഹാദികളെ വകവരുത്തിയതായി മോസ്‌കോ വ്യക്തമാക്കിയിരുന്നു.




കൂടുതല്‍വാര്‍ത്തകള്‍.