സല്മാന് നിര്മ്മിക്കുന്ന ചിത്രം ലവ് രാത്രിയ്ക്കെതിരെ വിശ്വഹിന്ദു പരിഷത്ത്. സിനിമയുടെ പേരിനെ ചൊല്ലിയാണ് പ്രശ്നം.
ഹിന്ദു ആഘോഷമായ നവരാത്രിയെ ആസ്പദമാക്കി നിര്മ്മിച്ചിരിക്കുന്ന ചിത്രമാണിത്. എന്നാല് ചിത്രത്തിന്റെ പേര് നവരാത്രിയെ അപമാനിക്കുന്നതരത്തിലാണെന്നു വി എച്ച് പി ആരോപിക്കുന്നു.
രാജ്യത്തെ സിനിമാതീയേറ്ററുകളില് ഈ ചിത്രം പ്രദര്ശിപ്പിക്കാന് ഞങ്ങള് സമ്മതിക്കില്ല. ഹിന്ദുക്കളുടെ മതവികാരത്തെ വ്രണപ്പെടുത്ത യാതൊരു പ്രവൃത്തികള്ക്കും കൂട്ടുനില്ക്കാന് സാധിക്കില്ല, വിഎച്ച് പിയുടെ ഇന്റര്നാഷണല് വര്ക്കിങ് പ്രസിഡണ്ട് അലോക് കുമാര് പറഞ്ഞു. സല്മാന് ഖാന് ഫിലിംസാണ് ഈ ചിത്രം നിര്മ്മിച്ചിരിക്കുന്നത്. നവരാത്രി ആഘോഷം നടക്കുന്ന ഒക്ടോബര് അഞ്ചിന് തന്നെയാണ് ഈ ചിത്രം റിലീസ് ചെയ്യുന്നത്. ഗുജറാത്തിന്റെ പശ്ചാത്തലത്തിലാണ് സിനിമ ഒരുക്കിയിരിക്കുന്നതെന്നും ശ്രദ്ധേയമാണ്. സല്മാന്റെ സഹോദരീഭര്ത്താവ് ആയുഷ് ശര്മ്മയാണ് ചിത്രത്തിലെ നായകന്. സല്മാന് ഖാന് ഫിലിംസിന്റെ അഞ്ചാമത്തെ ചിത്രം കൂടിയാണിത്.