നികുതി വെട്ടിപ്പ് കേസില്‍ നടി തൃഷയ്ക്ക് ആശ്വാസമായി കോടതി വിധി. ഏറെ വര്‍ഷങ്ങളായി നിലനില്‍ക്കുന്ന കേസിലാണ് തീരുമാനമായത്. 2010 -11 വര്‍ഷത്തില്‍ 3.52 കോടി രൂപ വരുമാനത്തില്‍ കാണിക്കാതെ നികുതി വെട്ടിപ്പ് നടത്തിയെന്നാണ് നടയ്‌ക്കെതിരെ ആദായനികുതി വകുപ്പ് ചുമത്തിയ കുറ്റം. 1.11 കോടിരൂപ നടി പിഴയടയ്ക്കണമെന്നും ആവശ്യപ്പെട്ടു.
ഇതോടെ തൃഷ ആദായ നികുതി വകുപ്പ് ട്രൈബ്യൂണലില്‍ പരാതി നല്‍കി. ഈ കേസില്‍ നടിയ്ക്ക് അനുകൂലമായി വിധി വന്നതോടെ ഇന്‍കം ടാക്‌സ് ഡിപ്പാര്‍ട്ട്‌മെന്റ് ഹൈക്കോടതിയില്‍ അപ്പീല്‍ നല്‍കുകയായിരുന്നു. ഈ കേസിലാണ് ഇപ്പോള്‍ വിധി വന്നിരിക്കുന്നത്.
ദീര്‍ഘനാള്‍ നീണ്ട കേസ് ഹൈക്കോടതി തള്ളിയതോടെ തൃഷയ്ക്ക് ഇനി ആശ്വസിക്കാം. വിജയ് സേതുപതി നായകനാകുന്ന 96 എന്ന സിനിമയില്‍ അഭിനയിക്കുകയാണ് തൃഷ ഇപ്പോള്‍ .
