CURRENCY RATE -
1 GBP :
0.00 INR
1 EUR :
0.00 INR
1 USD :
0.00 INR
Last Updated :
6 Minutes 9 Seconds Ago
Breaking Now

രജനി ചിത്രം 2.0 യുടെ റിലീസ് തിയതി പ്രഖ്യാപിച്ച് ശങ്കര്‍ ; 10000 ലേറെ സ്‌ക്രീനില്‍ ചിത്രമെത്തും

ആരാധകര്‍ കാത്തിരുന്ന ആ വാര്‍ത്തയെത്തി. ശങ്കര്‍ സംവിധാനം ചെയ്യുന്ന ബിഗ് ബജറ്റ് ചിത്രം 2.0 യുടെ റിലീസ് ഡേറ്റ് പുറത്തുവിട്ടു. നവംബര്‍ 29ന് ചിത്രം തീയേറ്ററുകളിലെത്തും. വളരെ മുമ്പ് തന്നെ റിലീസ് പ്രഖ്യാപിച്ചിരുന്ന ബ്രഹ്മാണ്ഡചിത്രത്തിന്റെ വിഫ്എക്‌സ് വര്‍ക്കുകള്‍ നീണ്ടു പോയത് കൊണ്ടാണ് കാലതാമസമുണ്ടായത്. 

ഇന്ത്യന്‍ സിനിമയിലെ തന്നെ ഏറ്റവും വലിയ ബഡ്ജറ്റില്‍ ഒരുങ്ങുന്ന ചിത്രത്തിന്റെ ഗ്രാഫിക്‌സ് വര്‍ക്കുകള്‍ ഹോളിവുഡ് നിലവാരത്തിലാണ് അണിയിച്ചൊരുക്കുന്നത്. 10,000ല്‍ പരം സ്‌ക്രീനുകളിലായി തമിഴ്,ഹിന്ദി, തെലുഗ് ഭാഷകളില്‍ ചിത്രം പുറത്തിറങ്ങും. വിദേശ രാജ്യങ്ങളില്‍ പിന്നീടായിരിക്കും റിലീസ്.

മുഴുനീള 3ഡി ചിത്രമായിട്ടാണ് പ്രദര്‍ശനത്തിനെത്തുന്നത്. ശങ്കര്‍, ജയമോഹന്‍ എന്നിവര്‍ ചേര്‍ന്നാണ് ചിത്രത്തിന്റെ തിരക്കഥ ഒരുക്കുന്നത്. മലയാളി താരങ്ങളായ കലാഭവന്‍ ഷാജോന്‍, റിയാസ് ഖാന്‍ തുടങ്ങിയവര്‍ ചിത്രത്തില്‍ പ്രധാന വേഷങ്ങളിലെത്തുന്നുണ്ട്. എ. ആര്‍ റഹ്മാനാണ് സംഗീതം നിര്‍വഹിച്ചിരിക്കുന്നത്. ഏതായാലും രജനി ആരാധകര്‍ വലിയ ആവേശത്തിലാണ്.

 




കൂടുതല്‍വാര്‍ത്തകള്‍.