Breaking Now

കന്യാസ്ത്രീകള്‍ കന്യകമാരാകണമെന്ന് നിര്‍ബന്ധമില്ലെന്ന് പ്രഖ്യാപിച്ച് വത്തിക്കാന്‍; വിശുദ്ധ കന്യാസ്ത്രീകള്‍ക്ക് ലൈംഗിക ബന്ധത്തില്‍ ഏര്‍പ്പെടാമെന്ന് സമ്മതിച്ച് പോപ്പ്; എന്നാലും ദൈവത്തിന്റെ മണവാട്ടിയാകാം!

വത്തിക്കാന്റെ പുതിയ വിശദീകരണം ഞെട്ടിക്കുന്നതാണെന്ന് യുഎസ് അസോസിയേഷന്‍ ഓഫ് കോണ്‍സെക്രേട്ടഡ് വിര്‍ജിന്‍സ്

ദൈവത്തിന്റെ മണവാട്ടിമാരാകാന്‍ ഇനി കന്യകമാരാകണമെന്നില്ലെന്ന് വത്തിക്കാന്റെ ഞെട്ടിക്കുന്ന പ്രഖ്യാപനം. കാത്തലിക് രേഖയായ എക്ലെസിയെ സ്‌പോണ്‍സെ ഇമാഗോ പറയുന്നത് അനുസരിച്ച് ഭൗതീകമായ കന്യകാത്വം തിരുവസ്ത്രം സ്വീകരിക്കാന്‍ അനിവാര്യമായ ഘടകമല്ലെന്ന് വത്തിക്കാന്‍ പറയുന്നു. 

കാത്തലിക് സഭയുടെ രീതി അനുസരിച്ച് കന്യാസ്ത്രീകള്‍ ക്രിസ്തുവിന് ജീവിതം സമര്‍പ്പിച്ചാല്‍ ബ്രഹ്മചര്യം ഉള്‍പ്പെടെയുള്ള കടുത്ത അച്ചടക്കം പാലിച്ചാകണം ജീവിതം. കന്യകമാര്‍ ക്രിസ്തുവിന്റെ മണവാട്ടിയാകാന്‍ തയ്യാറെടുക്കുന്നത് ഉള്‍പ്പെടെയുള്ള രീതികള്‍ ഇതില്‍ ഉള്‍പ്പെടും. യുകെയില് 200 പേര്‍ ഉള്‍പ്പെടെ ലോകത്തിന്റെ വിവിധ ഭാഗങ്ങളില്‍ കന്യാസ്ത്രീകള്‍ ജീവിതം ഉഴിഞ്ഞ് വെയ്ക്കുന്നു. 

ക്രിസ്തുവിന്റെ മണവാട്ടിമാരാകാന്‍ കൂടുതല്‍ പേര്‍ ആഗ്രഹിക്കുന്നത് പരിഗണിച്ചാണ് നിയമമാറ്റമെന്നാണ് വത്തിക്കാന്‍ അവകാശപ്പെടുന്നത്. എന്നാല്‍ വത്തിക്കാന്റെ പുതിയ വിശദീകരണം ഞെട്ടിക്കുന്നതാണെന്ന് യുഎസ് അസോസിയേഷന്‍ ഓഫ് കോണ്‍സെക്രേട്ടഡ് വിര്‍ജിന്‍സ് വ്യക്തമാക്കി. 

കന്യാസ്ത്രീകളാകാന്‍ വരദാനമായി കിട്ടിയ കന്യകാത്വം ശാരീരികവും ആത്മീയവുമായി പാലിക്കണമെന്ന ആചാരം സഭ എന്നും ഉയര്‍ത്തിപ്പിടിച്ചതായി സംഘടന വാര്‍ത്താക്കുറിപ്പില്‍ പറഞ്ഞു. വിവാഹം ആഘോഷിക്കുകയോ, മറ്റ് രീതികളില്‍ ചാരിത്ര്യം നഷ്ടപ്പെടുകയോ ചെയ്യരുതെന്നാണ് നിയമം, സംഘടന പറഞ്ഞു.  




കൂടുതല്‍വാര്‍ത്തകള്‍.