CURRENCY RATE -
1 GBP :
0.00 INR
1 EUR :
0.00 INR
1 USD :
0.00 INR
Last Updated :
11 Hours 34 Minutes 55 Seconds Ago
Breaking Now

സ്വസ്ഥമായി ഉറങ്ങട്ടെ ഈ അച്ഛനും മകളും ; ബാലഭാസ്‌കറിനെ കരിവാരി തേക്കുന്ന മഞ്ഞപ്പത്ര വാര്‍ത്തകള്‍ അവസാനിപ്പിക്കൂ, ഇഷാന്‍ ദേവ്

വെറും മഞ്ഞപ്പത്ര വാര്‍ത്തയാക്കി ആ കലാകാരന്റെ മരണം മാറ്റരുതെന്നും ഇഷാന്‍ അഭ്യര്‍ഥിക്കുന്നു.

അന്തരിച്ച വയലിനിസ്റ്റ് ബാലഭാസ്‌കറിനെ കുറിച്ച് വ്യാജ വാര്‍ത്തകള്‍ പ്രചരിപ്പിക്കുന്നവര്‍ക്കെതിരെ ബാലഭാസ്‌കറിന്റെ സുഹൃത്തും ഗായകനും സംഗീത സംവിധായകനുമായ ഇഷാന്‍ ദേവ്. സ്വാര്‍ത്ഥ താത്പര്യങ്ങള്‍ക്കായി ബാലഭാസ്‌കര്‍ എന്ന വ്യക്തിയെ കരിവാരി തേക്കരുതെന്നും വെറും മഞ്ഞപ്പത്ര വാര്‍ത്തയാക്കി ആ കലാകാരന്റെ മരണം മാറ്റരുതെന്നും ഇഷാന്‍ അഭ്യര്‍ഥിക്കുന്നു. ഫെയ്‌സ്ബുക്കിലാണ് ഇഷാന്റെ വികാരനിര്‍ഭരമായ കുറിപ്പുള്ളത്.

ഇഷാന്‍ ദേവിന്റെ ഫെയ്‌സ്ബുക്ക് പോസ്റ്റിന്റെ പൂര്‍ണരൂപം:

ആരെയും ബുദ്ധിമുട്ടിക്കാതെ ,ആരെയും പാര വെക്കാത്ത ,ആരെയും ഉപയോഗിക്കാതെ സ്വന്തം പ്രയത്‌നം ,കഷ്ടപാട് ,കഠിനാധ്വാനം എന്നിവ കൊണ്ടുമാത്രം മേലെ വന്ന് എല്ലാവര്‍ക്കും മാതൃക ആയും,മാര്‍ഗദര്‍ശി ആയും മാറിയ കലാകാരനാണ് ബാലഭാസ്‌കര്‍. വെറും സ്വാര്‍ത്ഥ താല്പര്യങ്ങള്‍ക്ക് വേണ്ടി അദ്ദേഹത്തിന്റെ വ്യക്തി ജീവിതത്തെയും മറ്റും തരം താഴ്ത്തുന്നതരത്തിലുള്ള പോസ്റ്റുകള്‍ ,വീഡിയോ എന്നിവ വന്നുതുടങ്ങി. കേരളം കണ്ട ഏറ്റവും മഹാനായ കലാകാരന്മാരില്‍ ഒരാളാണ് ബാലഭാസ്‌കര്‍ എന്ന് നിസംശയം പറയുന്ന നമ്മള്‍ അദ്ദേഹത്തെ ഇങ്ങനെ കരിവാരി തേക്കുന്നത് വളരെ വേദനാ ജനകമാണ്, അടുത്തറിയാവുന്ന എല്ലാവര്‍ക്കും പ്രിയപ്പെട്ട ആള്‍ തന്നെയാണ് അദ്ദേഹം ഇപ്പോഴും ,കേവലം നിങ്ങളുടെ മഞ്ഞപത്ര വാര്‍ത്തയാക്കി ആ കലാകാരന്റെ അകാലമരണം മാറ്റരുത് ,കൂടെ നിന്നു ചങ്കു പിടയുന്ന ആയിരങ്ങളുടെ അപേക്ഷയാണ് ഇത് .സ്വസ്ഥമായി ഉറങ്ങട്ടെ ആ അച്ഛനും മകളും ..പ്‌ളീസ്

 




കൂടുതല്‍വാര്‍ത്തകള്‍.