പുല്വാമ ഭീകരാക്രമണവും ജവാന്മാരുടെ മരണവും ചില രാഷ്ട്രീയക്കാര് നേട്ടങ്ങള്ക്കായി ഉപയോഗിക്കുന്നുവെന്ന് ബോളിവുഡ് നടന് സിദ്ധാര്ത്ഥ്. ബി.ജെ.പി. ദേശീയാധ്യക്ഷന് അമിത് ഷായും പ്രധാനമന്ത്രി നരേന്ദ്ര മോദിയും വിവിധ വേദിയില് പുല്വാമ ഭീകരാക്രമണത്തെ അതിതീവ്രതയില് അവതരിപ്പിച്ച സാഹചര്യത്തിലാണ് താരത്തിന്റെ ട്വീറ്റ്.
സ്വന്തം നേട്ടങ്ങള്ക്കായി പുല്വാമയെ ഉപയോഗപ്പെടുത്തരുതെന്ന് പറഞ്ഞ സിദ്ധാര്ത്ഥ് രാഷ്ട്രീയം മാറ്റിവെച്ച് പുല്വാമ ചര്ച്ച ചെയ്യണമെന്നും ആവശ്യപ്പെട്ടു. ഇനി ഇത്തരം സംഭവങ്ങള് ആവര്ത്തിക്കാതിരിക്കലാണ് നമ്മുടെ ലക്ഷ്യമെന്നും അതിന് വേണ്ട നടപടികളാണ് സ്വീകരിക്കേണ്ടതെന്നും സിദ്ധാര്ത്ഥ് ട്വീറ്റില് പറയുന്നു.