യുക്മയുടെ പ്രബല റീജിയനുകളില് ഒന്നായ ഈസ്റ്റ് ആംഗ്ലിയ റീജിയന് പുതിയ ഭരണസമിതി നിലവില് വന്നു. 2019 മാര്ച്ച് 2 ആം തീയതി ശനിയാഴ്ച ബാസില്ഡണ് ദി ജെയിംസ് ഹോണ്സ്ബി സ്കൂളില് നടന്ന പൊതുയോഗമാണ് പുതിയ നേതൃത്വ നിരയെ തിരഞ്ഞെടുത്തത്. ഉച്ചകഴിഞ്ഞു 12 . 30 ന് റീജിയന് പ്രസിഡന്റ് ബാബു മങ്കുഴിലിന്റെ അധ്യക്ഷതയില് ചേര്ന്ന യോഗത്തില് സെക്രട്ടറി ജോജോ തെരുവന് തന്റെ സ്വാഗത പ്രസംഗത്തില് യുക്മയെ ജീവന് തുല്യം സ്നേഹിച്ച മുന് പ്രസിഡണ്ട് രഞ്ജിത്കുമാറിനെ സ്മരിച്ചതും അദ്ദേഹത്തിന്റെ ഓര്മ്മക്കായി വേദിയില് ഒരു ഇരിപ്പിടം ഒഴിച്ചിട്ടത് പരാമര്ശിച്ചതും ഇന്നും എത്രമാത്രം രഞ്ജിത്കുമാറിനെ സ്നേഹിക്കുന്നു എന്നതിന് തെളിവായി. ബാബു മങ്കുഴിയില് തന്റെ അധ്യക്ഷ പ്രസംഗത്തില് കഴിഞ്ഞ രണ്ടു വര്ഷത്തില് ഒരു വര്ഷത്തില് കൂടുതല് പ്രസിഡണ്ട് ആയിരുന്ന രഞ്ജിത് കുമാറിന്റ മരണത്തെ തുടര്ന്ന് താന് പ്രസിഡണ്ട് സ്ഥാനത്തേക്ക് വന്ന കാര്യം സൂചിപ്പിക്കുകയും രഞ്ജിത്കുമാറിന്റെ യുക്മയോടുള്ള സ്നേഹവും എല്ലാവരെയും ഒന്നിപ്പിച്ചു കൊണ്ടുപോയ പ്രവര്ത്തന രീതിയുമാണ് താനും പിന്തുടരാന് ശ്രമിച്ചതെന്നും സൂചിപ്പിച്ചു.
പിന്നീട് കഴിഞ്ഞ ദിവസം അമ്പതാം ജന്മദിനംആഘോഷിച്ച ഈസ്റ്റ് ആംഗ്ലിയ റീജിയന് നേതാക്കളില് പ്രധാനിയും യുക്മ മുന് നാഷണല് പ്രസിഡന്റും ആയിരുന്ന അസിച്ചേട്ടന് എന്ന് സ്നേഹത്തോടെ വിളിക്കുന്ന ഫ്രാന്സിസ് കവളക്കാട്ടിലിനോടുള്ള സ്നേഹസൂചകമായി കേക്ക് മുറിച്ചു സന്തോഷം പങ്കിട്ടു. സെക്രെട്ടറി ജോജോ തെരുവന് കഴിഞ്ഞ രണ്ടു വര്ഷത്തെ പ്രവര്ത്തന റിപ്പോര്ട്ട് അവതരിപ്പിച്ചു. കേന്ദ്ര കമ്മറ്റിയുടെ ശ്രദ്ധയില് പെടുത്തേണ്ട ചില കാര്യങ്ങള് ചില അംഗങ്ങള് ആവശ്യപ്പെട്ടത് അടുത്ത കമ്മറ്റി പരിഗണിക്കും എന്ന തീരുമാനത്തോടെ ഏകകണ്ഠമായി റിപ്പോര്ട്ട് പാസാസാക്കപ്പെട്ടു.
ട്രെഷറര് ഷാജി വറുഗീസ് അവതരിപ്പിച്ച വരവ് ചിലവു കണക്കുകളുടെ റിപ്പോര്ട്ട് സഭ ഏകകണ്ഠമായി പാസാക്കി. ജിജി നട്ടാശ്ശേരിയേയും ജോസഫ് ജെയിംസിനെയും പുതിയ കമ്മറ്റിയെ തിരഞ്ഞെടുക്കാനുള്ള പ്രവര്ത്തനങ്ങള്ക്ക് നേതൃത്വം കൊടുക്കുവാന് വരണാധികാരികളായി തിരഞ്ഞെടുത്തു. ഷാജിയുടെ വര്ഗീസിന്റെ നന്ദി പ്രകാശനത്തിന് ശേഷം നിലവിലെ കമ്മറ്റിയെ പിരിച്ചുവിട്ടതായി അറിയിക്കുകയും പുതിയ ഭാരവാഹികളെ തിരഞ്ഞെടുക്കുന്നതിലേക്ക് യോഗം കടന്നു.
ജിജി നട്ടാശ്ശേരിയും ജോസഫ് ജെയിംസ് വരണാധികാരികളായ യോഗം പ്രസിഡന്റായി ബാബു മങ്കുഴിയിലിനേയും (ഇപ്സ് വിച്ച്) സെക്രെട്ടറി ആയി സിബി ജോസഫ് ( ബാസില്ഡണ് ), ട്രെഷറര് ആയി അജു ജേക്കബ് (നോര്വിച്ച് ) എന്നിവരെ ഏകകണ്ഠമായി തിരഞ്ഞെടുത്തു. മറ്റു ഭാരവാഹികളായി സോണി ജോര്ജ്ജ് ( കേംബ്രിഡ്ജ് ) വൈസ് പ്രസിഡന്റ് , ബിജീഷ് ചാത്തോത് ( ലുട്ടന് ) ജോയിന്റ് സെക്രെട്ടറി , മനോജ് ജോസഫ് ( ഹണ്ടിങ്ടണ് ) ജോയിന്റ് ട്രെഷറര് , സിനേഷ് ഗോപുരത്തിങ്കല് ( നോര്വിച്ച്) ആര്ട്സ് കോര്ഡിനേറ്റര്, സാജന് മാത്യു പടിക്കമാലില് ( ഈസ്റ്റ് ലണ്ടന്) സ്പോര്ട്സ് കോര്ഡിനേറ്റര്, ജെയ്സണ് ചാക്കോച്ചന് ( സൗത്ത് എന്ഡ് ) ചാരിറ്റി കോര്ഡിനേറ്റര്, ജിനീഷ് ലൂക്ക( ഇപ്സ് വിച്ച് ) യൂത്ത് കോര്ഡിനേറ്റര്, റജി നന്തികാട്ട് (എന്ഫീല്ഡ് ) പി. ആര്. ഒ. എന്നിവരെയും ഏകകണ്ഠമായി തിരഞ്ഞെടുത്തു.
ഈസ്റ്റ് ആംഗ്ലിയ റീജിയന്റെ വളര്ച്ചയില് കഴിഞ്ഞ പത്തു വര്ഷവും മുന്നില് നിന്ന് നയിച്ച കുഞ്ഞുമോന് ജോബിന്റെ അനുഭവപരിചയം പുതിയ കമ്മറ്റിക്കും പ്രയോജനപ്പെടുവാന് അദ്ദേഹത്തെ ഈസ്റ്റ് ആംഗ്ലിയ റീജിയന്റെ രക്ഷാധികാരിയാക്കാന് തീരുമാനിച്ചു.
യുക്മയുടെ നാഷണല് കമ്മറ്റി മെമ്പര് സ്ഥാനത്തേക്ക് ജോജോ തെരുവന്റ പേരും എബ്രഹാം ജോസ് പൊന്നുംപുരയിടത്തിന്റെ പേരും പൊതുയോഗത്തില് നിര്ദേശിച്ചത് കൊണ്ട് ബാലറ്റ് പേപ്പറിലൂടെ തിരഞ്ഞെടുക്കുന്നതിന് യോഗം തീരുമാനിച്ചു. വോട്ടിംഗില് ജോജോ തെരുവന് നാഷ്ണല് കമ്മറ്റി മെമ്പര് ആയി തെരഞ്ഞെടുക്കപ്പെട്ടു.
പ്രസിഡണ്ട് ആയി സ്ഥാനമേറ്റ ബാബു മങ്കുഴിയില് നല്ലൊരു സംഘാടകനും വര്ഷങ്ങളായി യുക്മ ഈസ്റ്റ് ആംഗ്ലിയ റീജിയന്റെ മുന് നിര നേതാക്കളില് ഒരാളും ആണ്. കഴിഞ്ഞ കമ്മറ്റിയില് പ്രസിഡണ്ട് ആയിരുന്ന രഞ്ജിത്കുമാറിന്റെ മരണത്തെ തുടര്ന്ന് വൈസ് പ്രസിഡണ്ട് ആയിരുന്ന ബാബു മങ്കുഴിയില് പ്രസിഡണ്ട് ആയി തിരഞ്ഞെടുക്കപ്പട്ടിരുന്നു.
സെക്രട്ടറി സിബി ജോസഫ് ഇടുക്കി ജില്ലാ സ്വദേശിയാണ്. രാഷ്ട്രീയത്തിലും സാമൂഹ്യപ്രവര്ത്തനങ്ങളിലും വളരെ സജീവമായി പ്രവര്ത്തിച്ചിരുന്ന സിബി ബാസില്ഡണ് മലയാളി അസോസിയേഷന്റെ മുന് പ്രസിഡണ്ട് ആയിരുന്നു. സിബി നേതൃത്വംകൊടുത്ത കമ്മറ്റിയുടെ കാലത്ത് 2013 ല് ബാസില്ഡണ് മലയാളി അസോസിയേഷന് നാഷണല് ചാമ്പ്യന് അസ്സോസിയേഷനായും 2014 ല് യുകെയിലെ ബെസ്റ്റ് അസ്സോസിയേഷനായും തിരഞ്ഞെടുക്കപ്പെട്ടു.
ട്രെഷറര് അജു ജേക്കബ് നോര്വിച്ച് അസോസിയേഷന് ഫോര് മലയാളീസ് (NAM) ന്റെ സംഘാടകരില് പ്രധാനിയും സാമൂഹ്യ പ്രവത്തനങ്ങളില് സജീവമായി ഇടപെടുന്ന വ്യക്തിയുമാണ്. യുക്മ കലാമേളകളടക്കം വന് പ്രോഗ്രാമുകളില് സ്വാദിഷ്ടമായ ഭക്ഷണം വിതരണം ചെയ്യുന്ന A J കാറ്ററിംഗ് എന്ന സ്ഥാപനത്തിന്റെ ഉടമയുമാണ് അജു ജേക്കബ്.
യുക്മ ഈസ്റ്റ് ആംഗ്ലിയ റീജിയന്റെ ഒത്തൊരുമയുടെയും ഐക്യത്തിന്റെയും തെളിവായിരുന്നു തികച്ചും മാന്യവും അച്ചടക്കത്തോടെയും നടന്ന പൊതുയോഗവും തിരഞ്ഞെടുപ്പ് പ്രക്രിയകളും
റജി നന്തികാട്ട് ( പി. ആര്. ഒ, യുക്മ ഈസ്റ്റ് ആംഗ്ലിയ റീജിയന് )