'അതെ, ഞാന് ഒരു സിനിമ സംവിധാനം ചെയ്യാന് പോകുന്നു' മലയാളത്തിന്റെ പ്രിയ താരം മോഹന്ലാന് തന്റെ ബ്ലോഗിലൂടെ ചലച്ചിത്രലോകത്തെ അമ്പരപ്പിക്കുന്ന ഈ പ്രഖ്യാപനം നടത്തി.'ബറോസ്' എന്നാണ് സിനിമയുടെ പേരെന്നും ഇത് ഒരു ത്രി ഡി സിനിമയാണെന്നും മോഹന്ലാല് പങ്കുവെയ്ക്കുന്നു. കുട്ടികള്ക്കും വലിയവര്ക്കും ഒരുപോലെ ഈ സിനിമ ആസ്വദിക്കാനാകും. പോര്ച്ചുഗീസ് പശ്ചാത്തലത്തിലുള്ള ഒരു ചിത്രമാണെന്നും ലാല് സൂചന നല്കി.
ഈ തീരുമാനം മുന്കൂട്ടിയെടുത്തതല്ല. ഒരു 3 ഡി സ്റ്റേജ് ഷോ എന്ന ആശയവുമായി വര്ഷങ്ങള്ക്ക് മുന്പ് മൈ ഡിയര് കുട്ടിച്ചാത്തന് സിനിമയുടെ സംവിധായകന് ജിജോയെ പോയി കണ്ടു. അന്ന് അത്തരത്തിലുള്ള ഒരു പ്രൊജക്ടിന് ഭീമമായ തുക ചെലവാകും എന്ന് മനസ്സിലായതിനാല് അത് ഉപേക്ഷിക്കുകയായിരുന്നു. എന്നാല് ജിജോയുമായുള്ള സംസാരത്തില് അദ്ദേഹം പങ്കുവയ്ച്ച ഒരു ഇംഗ്ലീഷ് കഥ തന്നെ ആകര്ഷിച്ചു. അതൊരു മിത്ത് ആയിരുന്നു. ഒരു മലബാര് തീരദേശത്ത് ബറോസ്സ് ഗാര്ഡിയന് ഓഫ് ദ ഗാമാസ് ട്രഷര്). വാസ്കോഡഡാമയുടെ നിധി സൂക്ഷിക്കുന്ന ബറോസ്സിന്റെ കഥ പോര്ച്ചുഗീസ് പശ്ചാത്തലത്തിലാണ് പറയുന്നത്. നാനൂറിലധികം വര്ഷങ്ങളായി നിധിക്ക് കാവലിരിക്കുന്ന അയാളുടെ അടുത്തേക്ക് ഒരു കുട്ടി വരുന്നു. അവര് തമ്മിലുള്ള ബന്ധവും അതിന്റെ രസങ്ങളുമാണ് ചിത്രത്തിന്റെ പ്രമേയം മോഹന്ലാല് കുറിച്ചു.
'എനിക്ക് ലോക സിനിമ ചെയ്യാനാണിഷ്ടം' എന്ന ജിജോയുടെ സ്വപ്നത്തിന്റെ തുടക്കമാണ് ഈ സിനിമ. ബറോസ്സായി വേഷമിടുന്നതും ഞാന് തന്നെ, മോഹന്ലാല് കൂട്ടിച്ചേര്ത്തു.