Breaking Now

തിങ്കളാഴ്ചയും ചന്ദ്രന്റെ വീട്ടില്‍ മന്ത്രവാദം നടന്നു ; ജപ്തി നോട്ടീസ് ആല്‍ത്തറയില്‍ പൂജിച്ചു ; സ്ഥിരീകരണം നടത്തി സഹോദരി ഭര്‍ത്താവ്

സ്ത്രീധനത്തിന്റെ പേരില്‍ വീട്ടില്‍ വഴക്കുണ്ടായിരുന്നു. ലേഖ മുമ്പും ആത്മഹത്യയ്ക്ക് ശ്രമിച്ചിട്ടുണ്ടെന്നും സഹോദരി പറഞ്ഞു.

നെയ്യാറ്റിന്‍കരയില്‍ വീട്ടമ്മയും മകളും ആത്മഹത്യ ചെയ്ത സംഭവത്തില്‍ കുറിപ്പിലെ മന്ത്രവാദം സ്ഥിരീകരിച്ച് സഹോദരി ഭര്‍ത്താവ്. വസ്തു വില്‍ക്കാന്‍ തിങ്കളാഴ്ചയും പൂജ നടത്തി. ഇതിനെ ലേഖ എതിര്‍ത്തിരുന്നുവെന്ന് ദേവരാജന്‍ വെളിപ്പെടുത്തി.

സ്ത്രീധനത്തിന്റെ പേരില്‍ വീട്ടില്‍ വഴക്കുണ്ടായിരുന്നു. ലേഖ മുമ്പും ആത്മഹത്യയ്ക്ക് ശ്രമിച്ചിട്ടുണ്ടെന്നും സഹോദരി പറഞ്ഞു. കസ്റ്റഡിയില്‍ എടുത്ത ഭര്‍ത്താവ് ഉള്‍പ്പെടെ നാലു പേരുടേയും അറസ്റ്റ് രേഖപ്പെടുത്തി. ചന്ദ്രന്റെ വീടിനോട് ചേര്‍ന്ന് മന്ത്രവാദം ചെയ്തതിന്റെ തെളിവ് പോലീസ് കണ്ടെത്തി. ചന്ദ്രന്‍ അമ്മ കൃഷ്ണമ്മ, സഹോദരി ശാന്ത, ഭര്‍ത്താവ് കാശി എന്നവരാണ് അറസ്റ്റിലായത്.

കടം തീര്‍ക്കാന്‍ വീട് വില്‍ക്കാന്‍ സമ്മതിക്കാതിരുന്നത് കൃഷ്ണമ്മയാണ്, ആല്‍ത്തറയുണ്ടെന്നും അത് നോക്കിക്കോളുമെന്നുമാണ് അവരുടെ വാദം. ബാങ്ക് അയച്ച നോട്ടീസ് ഇവിടെ കൊണ്ട് ചെന്ന് പൂജച്ചു. ആത്മഹത്യാ കുറിപ്പില്‍ ജപ്തിയെ കുറിച്ച് സൂചനയില്ലെന്നാണ് റിപ്പോര്‍ട്ട് .




കൂടുതല്‍വാര്‍ത്തകള്‍.