Breaking Now

ഭൂമിയിടപാട് കേസിലും വ്യാജരേഖ കേസിലും കര്‍ദിനാള്‍ മാര്‍ ജോര്‍ജ് ആലഞ്ചേരിയെ പിന്തുണച്ച് പുറത്തിറക്കിയ സര്‍ക്കുലര്‍ പിന്‍വലിച്ചിട്ടില്ലെന്ന് കെസിബിസി

സര്‍ക്കുലര്‍ വായിക്കണോ എന്ന കാര്യത്തില്‍ ബിഷപ്പുമാര്‍ക്ക് തീരുമാനമെടുക്കാമെന്നും കെസിബിസി വ്യക്തമാക്കി.

ഭൂമിയിടപാട് കേസിലും വ്യാജരേഖ കേസിലും കര്‍ദിനാള്‍ മാര്‍ ജോര്‍ജ് ആലഞ്ചേരിയെ പിന്തുണച്ച് വര്‍ഷകാല സമ്മേളനത്തോട് അനുബന്ധിച്ച് പുറത്തിറക്കിയ സര്‍ക്കുലര്‍ പിന്‍വലിച്ചിട്ടില്ലെന്ന് കെസിബിസി. സര്‍ക്കുലര്‍ പിന്‍വലിച്ചെന്ന തരത്തില്‍ പുറത്തുവരുന്ന വാര!്ത്തകള്‍ ശരിയല്ലെന്നും ഉള്ളടക്കത്തില്‍ മാറ്റം വരുത്തിയിട്ടില്ലെന്നും കെസിബിസി വ്യക്തമാക്കി. വിശ്വാസികള്‍ അറിഞ്ഞിരിക്കേണ്ട വസ്തുതകളാണ് സര്‍ക്കുലറില്‍ ഉള്‍പ്പെടുത്തിയിരിക്കുന്നതെന്നും എന്നാല്‍ സര്‍ക്കുലര്‍ വായിക്കണോ എന്ന കാര്യത്തില്‍ ബിഷപ്പുമാര്‍ക്ക് തീരുമാനമെടുക്കാമെന്നും കെസിബിസി വ്യക്തമാക്കി. 

അതേസമയം, ഭൂമി ഇടപാടിനെക്കുറിച്ച് അന്വേഷിക്കാന്‍ അപ്പസ്‌തോലിക് അഡ്മിനിസ്‌ട്രേറ്റര്‍ നിയമിച്ച സമിതി വത്തിക്കാന് നല്‍കിയ റിപ്പോര്‍ട്ടില്‍ പരാമര്‍ശിക്കുന്നത് എന്താണെന്ന് കെസിബിസിയ്ക്ക് അറിയില്ലെന്ന് വാര്‍ത്താക്കുറിപ്പില്‍ പറയുന്നു. ഭൂമിയിടപാടിന് പിന്നാലെയെത്തിയ വ്യാജരേഖ കേസിലും കര്‍ദിനാള്‍ മാര്‍ ജോര്‍ജ് ആലഞ്ചേരിയെ പിന്തുണച്ച് കെസിബിസി സര്‍ക്കുലര്‍ പുറത്തിറക്കിയ നടപടി വിവാദമായതോടെയാണ് പുതിയ വിശദീകരണം. 

 




കൂടുതല്‍വാര്‍ത്തകള്‍.