ബര്മിങ്ഹാം. കത്തോലിക്കാ നവസുവിശേഷവത്ക്കരണരംഗത്തെ വിവിധങ്ങളായ മിനിസ്ട്രികളിലോ , ഏതെങ്കിലും തരത്തില് ആത്മീയ ശുശ്രൂഷാരംഗത്ത് പ്രവര്ത്തിക്കുകയോ ചെയ്യുന്നവര്ക്കായി മിനിസ്റ്റേഴ്സ് റിട്രീറ്റ് മലയാളത്തില് നവംമ്പര് 15,16,17 തീയതികളില് പ്രശസ്ത വചനപ്രഘോഷകനും വിടുതല് ശുശ്രൂഷകനുമായ ബ്രദര് ഡോ.ജോണ് ഡി യുടെ നേതൃത്വത്തില് സെഹിയോനില് നടക്കും.
കുട്ടികള്ക്കായി പ്രത്യേക ക്ലാസ്സുകള് ഉണ്ടായിരിക്കും .
ലോകത്തിലെ വിവിധരാജ്യങ്ങളില് വിവിധ മേഖലകളില് ശുശ്രൂഷകള്ക്ക് നേതൃത്വം നല്കുന്ന സെഹിയോന് മിനിസ്ട്രീസിന്റെ നേതൃത്വത്തിലാണ് ഈ ധ്യാനം നടത്തപ്പെടുന്നത്. അനേകരുടെ ജീവിതത്തെ കത്തോലിക്കാ വിശ്വാസത്തിലേക്കും നവീകരണത്തിലേക്കും അതിലൂടെ പ്രേഷിത ശുശ്രൂഷാതലങ്ങളിലേക്കും വഴിതിരിച്ചുവിടാനും ഓരോരുത്തരുടെയും വ്യത്യസ്തങ്ങളായ ജീവിതസാഹചര്യങ്ങളില് യഥാര്ത്ഥ ക്രിസ്തുശിഷ്യരായി എങ്ങനെ മാറണമെന്നും ലോകത്തിന് പ്രകടമാക്കിക്കൊണ്ടിരിക്കുന്ന സെഹിയോന് മിനിസ്ട്രിയുടെ നേതൃത്വത്തില് പ്രശസ്ത ആത്മീയ വിടുതല് ശുശ്രൂഷകന് ഡോ.ജോണ് ഡി നയിക്കുന്ന ഈ ധ്യാനത്തില് ആത്മീയ ശുശ്രൂഷാരംഗത്ത് പ്രവര്ത്തിച്ചുകൊണ്ട് നിലനില്പ്പും വളര്ച്ചയും ആഗ്രഹിക്കുന്നവര്ക്ക് പങ്കെടുക്കാം. പ്രവേശനം സൗജന്യം.