മതിയായ രേഖകളുള്ളവരെപ്പോലും ജയിലിലടയ്ക്കുകയും ഇന്ത്യയിലേയ്ക്കു കയറ്റിവിടുകയും ചെയ്യുന്ന നടപടി ശരിയല്ല. കുവൈറ്റിലെ 6.5 ലക്ഷത്തിലേറെ ഇന്ത്യക്കാരില്‍ 2.62 ലക്ഷം പേരും ഗാര്‍ഹിക വിസയുള്ളവരാണ്. ഇവരില്‍ പലരും സ്‌പോണ്‍സര്‍മാരുമായുള്ള ധാരണയില്‍ കുവൈറ്റിലെ വിവിധ സ്ഥലങ്ങളില്‍ ബിസിനസിലും ജോലിയിലും ഏര്‍പ്പെട്ടിരിക്കുന്നവരും മതിയായ രേഖകളുള്ളവരുമാണ്. 25000-ത്തിലേറെ ഇന്ത്യക്കാര്‍ കുവൈറ്റ് സര്‍ക്കാരിന്റെ കയറ്റിവിടല്‍ നടപടികളുടെ ഫലമായി കുവൈറ്റിലെ ജയിലുകളിലുണ്ടെന്നാണറിയുന്നത്. ആഹാരവും വെള്ളവും പോലും ഇവര്‍ക്കു ലഭിക്കുന്നില്ല. കുവൈറ്റിലെ ഇന്ത്യന്‍ എംബസിക്കു പുറമെ കേന്ദ്രസര്‍ക്കാരിന്റെ നേരിട്ടുള്ളതും അടിയന്തിരവുമായ ഇടപെടലും നയപരമായ തീരുമാനങ്ങളും ഉടനുണ്ടാകണമെന്ന് അഡ്വ.വി.സി.സെബാസ്റ്റ്യന്‍ അഭ്യര്‍ത്ഥിച്ചു.
