മികച്ചൊരു കലാവിരുന്നായിരുന്നു അമ്മ മഴിവില്‍ ഷോ. മലയാളത്തിലെ താരങ്ങളുടെയെല്ലാം കലാവിരുന്ന് നിറഞ്ഞ കരഘോഷത്തൊടെയായിരുന്നു പ്രേക്ഷകര്‍ കണ്ടിരുന്നത്. മുതിര്‍ന്ന താരങ്ങള്‍ മുതല്‍ യുവതാരങ്ങള്‍ വരെ തങ്ങളുടെ കലാപ്രകടനങ്ങളുമായി വേദിയില്‍ എത്തിയിരുന്നു.
നടന്‍ ദുല്‍ഖര്‍ സല്‍മാനും ഇത്തവണത്തെ ഷോയില്‍ തിളങ്ങിയിരുന്നു. ഡാന്‍സ് കളിച്ചും സ്‌കിറ്റുകളില്‍ അഭിനയിച്ചുമാണ് ദുല്‍ഖര്‍ പരിപാടിയില്‍ കൈയടി നേടിയത്. പരിപാടിക്കിടെ റിഹേഴ്‌സല്‍ ക്യാമ്പില്‍ നടന്ന മറക്കാനാവാത്ത സംഭവമെതേന്ന് ആസിഫ് അലിയോട് അവതാരക ചോദിച്ചപ്പോള്‍ ദുല്‍ഖറിനെക്കുറിച്ചായിരുന്നു നടന്‍ പറഞ്ഞിരുന്നത്.
കാലില്‍ പൊട്ടലുണ്ടായിട്ടും അതു വക വെയ്ക്കാതെയാണ് ദുല്‍ഖര്‍ ഡാന്‍സ് കളിച്ചതെന്നാണ് ആസിഫ് പറഞ്ഞത്. ദുല്‍ഖര്‍ മൂന്ന് നാല് പാട്ടുകള്‍ക്ക് ഡാന്‍സ് പ്ലാന്‍ ചെയ്തിതിരുന്നെങ്കിലും അവസാന റൗണ്ടില്‍ അവന് പരിക്കേല്‍ക്കുകയായിരുന്നു. എന്നാല്‍ ആ കാല് വെച്ച് അവന് ഡാന്‍സ് ചെയ്‌തെന്നും അതാണ് ഹൈലൈറ്റെന്നുമാണ് ആസിഫ് പറഞ്ഞത്.
തിരുവനന്തപുരത്തെ കാര്യവട്ടം ഗ്രീന്‍ഫീല്‍ഡ് സ്റ്റേഡിയത്തില്‍ വെച്ചായിരുന്നു അമ്മ മഴവില്‍ ഷോ നടന്നിരുന്നത്. ബിഗ് സ്‌ക്രീനില്‍ കാണാത്ത അത്ഭുതകരമായ പ്രകടനമായിരുന്നു താരങ്ങളെല്ലാം തന്നെ ഷോയില്‍ പുറത്തെടുത്തിരുന്നത്. മലയാളസിനിമയിലെ ദുരിതമനുഭവിക്കുന്ന പഴയകാല താരങ്ങളെ സഹായിക്കുക എന്ന ലക്ഷ്യത്തോടെയായിരുന്നു അമ്മ സംഘടന പരിപാടി നടത്തിയിരുന്നത്.
