കന്യാസ്ത്രീയെ ലൈംഗീകമായി പീഡിപ്പിച്ചെന്ന കേസില് ബിഷപ്പ് ഫ്രാങ്കോ മുളയ്ക്കലിന് ജാമ്യം. കേരളത്തില് പ്രവേശിക്കരുതെന്ന ഉപാധിയോടെയാണ് ജാമ്യം അനുവദിച്ചത്. രണ്ടാഴ്ച കൂടുമ്പോള് അന്വേഷണ ഉദ്യോഗസ്ഥര്ക്ക് മുമ്പിലെത്തി ഒപ്പിടണം. കൂടാതെ അന്വേഷണ ഉദ്യോഗസ്ഥര് ആവശ്യപ്പെടുമ്പോള് ഹാജരാകണമെന്നും കോടതി നിര്ദ്ദേശിച്ചിട്ടുണ്ട്.
ജാമ്യാപേക്ഷയില് പ്രോസിക്യൂഷന്റെ ഭാഗത്ത് നിന്നുള്ള കാര്യമായ എതിര്പ്പുണ്ടായിരുന്നില്ല. കന്യാസ്ത്രീകളില് ഏഴു പേരുടെ രഹസ്യമൊഴി രേഖപ്പെടുത്തി കഴിഞ്ഞ സാഹചര്യത്തില് സാക്ഷികളെ സ്വാധീനിക്കുമെന്ന ആശങ്കയ്ക്ക് ഇനി അടിസ്ഥാനമില്ലെന്ന നിഗമനത്തിലാണ് കോടതി ജാമ്യം അനുവദിച്ചത്. സാക്ഷികളെ സ്വാധീനിക്കാനുള്ള ശ്രമം നടത്തരുതെന്നും കോടതി നിര്ദ്ദേശിച്ചു.
കേരളത്തില് പ്രവേശിക്കാന് അനുവദിക്കരുതെന്ന പ്രോസിക്യൂഷന്റെ ആവശ്യം കോടതി അംഗീകരിച്ചു. പാസ്പോര്ട്ട് കോടതിയില് സറണ്ടര് ചെയ്യണം. ജാമ്യം കിട്ടിയാലുടന് കേരളത്തിന് പുറത്ത് പോകണം. വിചാരണ നടപടികളുടെ ഭാഗമായി മാത്രമേ കേരളത്തില് ബിഷപ്പിന് പ്രവേശിക്കാനാകൂ .