പോണ് സൈറ്റുകള് ബ്ലോക്ക് ചെയ്യുന്ന സേവനദാതാക്കളെക്കുറിച്ചുള്ള വാര്ത്തകള് കഴിഞ്ഞ ദിവസങ്ങളില് പുറത്തുവന്നിരുന്നു. ഇന്ത്യയില് ഇന്റര്നെറ്റ് വിപ്ലവം നടപ്പാക്കിയ ജിയോ മുതല് വിവിധ കമ്പനികള് തങ്ങളുടെ സേവനങ്ങളില് അശ്ലീല സൈറ്റുകള് ബ്ലോക്ക് ചെയ്യുന്നുണ്ട്. എന്നാല് സ്മാര്ട്ട്ഫോണുകളില് ഇവയെ മറികടക്കാനുള്ള ബ്രൗസറുകള് പ്രയോജനപ്പെടുത്തിയാണ് ഇന്ത്യക്കാര് ഇപ്പോളും ആ 'ദു'ശ്ശീലം തുടരുന്നത്. എന്നാല് മതപരമായ ആചാരങ്ങളുമായി ബന്ധപ്പെട്ട ദിനങ്ങള് എത്തിയാല് അവര് വളരെ മാന്യന്മാരാണെന്ന് ഇന്ത്യ കണക്ടഡ് എന്ന പുസ്തകം എഴുതിയ രവി അഗ്രവാള് പറയുന്നു.
മതവുമായി ബന്ധപ്പെട്ട ആഘോഷസമയങ്ങളില് ഇന്ത്യക്കാര് പോണ് സൈറ്റുകളില് നിന്നും വിട്ടുനില്ക്കുന്നതായാണ് കണ്ടെത്തല്. ദീപാവലി പോലുള്ള സമയങ്ങളില് ഇന്ത്യയില് നിന്നും അഡല്റ്റ് സൈറ്റുകളിലേക്കുള്ള ട്രാഫിക് ഗണ്യമായി കുറയും. പോണ് സൈറ്റുകള് സന്ദര്ശിക്കുന്ന കാര്യത്തില് ലോകത്തില് മൂന്നാം റാങ്കുകാരാണ് ഇന്ത്യ. വിലകുറഞ്ഞ സ്മാര്ട്ട്ഫോണുകളും, ഡാറ്റയും ലഭ്യമായതോടെയാണ് നമ്മുടെ നാട്ടുകാര് ഇത് അനസ്യൂതം ഉപയോഗിക്കാന് തുടങ്ങിയത്.
ഒരു പ്രമുഖ അശ്ലീല സൈറ്റാണ് ഇന്ത്യക്കാരുടെ തിരച്ചിലിനെക്കുറിച്ചുള്ള വിവരങ്ങള് നല്കിയത്. ദീപാവലി സമയത്ത് 17 ശതമാനം ട്രാഫിക് കുറയുമ്പോള്, റമദാന് ആരംഭിക്കുന്നതോടെ 15 ശതമാനം കുറവ് സംഭവിക്കുമെന്ന് ഈ സൈറ്റ് വ്യക്തമാക്കി. ഞായറാഴ്ച ട്രാഫിക് കുറയുമ്പോഴും ശനിയാഴ്ച വമ്പന് ഇടിച്ചുകയറ്റമാണ് ഇത്തരം സൈറ്റുകളിലേക്ക് നടക്കുന്നത്. സ്വാതന്ത്ര്യ ദിനം, റിപബ്ലിക് ദിനം എന്നീ ദിവസങ്ങളിലും സ്ഥിതി ഇതുതന്നെ.
അമേരിക്കയും, ബ്രിട്ടനും കഴിഞ്ഞാല് ഏറ്റവും കൂടുതല് അശ്ലീല സൈറ്റ് സന്ദര്ശിക്കുന്ന ഇന്ത്യന് വിപണി ഇത്തരം സൈറ്റുകളുടെ പ്രധാന ലക്ഷ്യകേന്ദ്രമാണ്. ഇന്റര്നെറ്റ് കിട്ടിയാല് ആദ്യം ഇത്തരം സൈറ്റുകള് തിരയുന്നു രീതി ഇന്ത്യക്കാര്ക്കുണ്ടെന്ന് ഗൂഗിള് നേരത്തെ വെളിപ്പെടുത്തിയിരുന്നു. ടെക് വമ്പന് പട്ന റെയില്വേ സ്റ്റേഷനില് സ്ഥാപിച്ച സൗജന്യ വൈഫൈ സര്വ്വീസ് പ്രയോജനപ്പെടുത്തിയ ആളുകള് ഇവിടെ നിന്നും ഏറ്റവും അശ്ലീല സൈറ്റ് സന്ദര്ശിച്ച് രാജ്യത്തെ നം.1 സ്ഥാനം നേടിയിരുന്നു. 2000'ല് 20 മില്ല്യണ് ജനങ്ങള് ഇന്റര്നെറ്റ് ഉപയോഗിച്ചെങ്കില് 2017'ല് 465 മില്ല്യണ് പേര് ഓണ്ലൈനായി.