കൊച്ചിയില് നിന്ന് കാണാതായ സര്ക്കിള് ഇന്സ്പെക്ടര് നവാസിനെ കണ്ടെത്തി. തമിഴ്നാട് കരൂരില് നിന്നാണ് നവാസിനെ കണ്ടെത്തിയത്. തമിഴ്നാട് റെയില്വേ പൊലീസാണ് സെന്ട്രല് സിഐ നവാസിനെ കണ്ടെത്തിയത്. നവാസ് വീട്ടുകാരുമായി ഫോണില് സംസാരിച്ചു. കൊച്ചി പൊലീസ് കരൂരിലേക്ക് തിരിച്ചു.
മേലുദ്യോഗസ്ഥനുമായുളള അഭിപ്രായ വ്യത്യാസത്തിനെ തുടര്ന്ന് മൂന്നു ദിവസം മുമ്പാണ് നവാസിനെ കാണാതെയാവുന്നത്. നവാസിനെ കാണാനില്ലെന്ന് കാണിച്ച് കേരള പൊലീസിന്റെ ഔദ്യോഗിക ഫേസ്ബുക്ക് പേജില് ഉള്പ്പടെ അറിയിപ്പ് നല്കിയിരുന്നു. സേനയിലെ തന്നെ ഒരു ഉദ്യോഗസ്ഥനെ കാണാതായി മൂന്ന് ദിവസമായിട്ടും കണ്ടെത്താന് കഴിയാത്തത് പൊലീസിന് തലവേദന സൃഷ്ടിച്ചിരിക്കുകയായിരുന്നു.
മേലുദ്യോഗസ്ഥരുടെ പീ!ഡനത്തെത്തുടര്ന്നാണ് സിഐ നവാസ് നാട് വിട്ടതെന്നാരോപിച്ച് ഭാര്യ മുഖ്യമന്ത്രിക്ക് പരാതി നല്കിയിരുന്നു. വ്യാഴാഴ്ച പുലര്ച്ചെ മുതല് നവാസിനെ കാണാനില്ലെന്നാണ് ഭാര്യയുടെ പരാതിയില് വ്യക്തമാക്കിയിരുന്നത്.