രാജ്യത്ത് 2000 രൂപയുടെ നോട്ടുകള് അച്ചടിക്കുന്നത് നിര്ത്തിവച്ച് റിസര്വ് ബാങ്ക്. 2000 നോട്ടുകളുടെ അച്ചടി റിസര്വ് ബാങ്ക് അവസാനിപ്പിച്ചിട്ടുണ്ട്. വിവരാവകാശ മറുപടിയിലാണ് റിസര്വ് ബാങ്ക് ഇക്കാര്യം വയ്കതമാക്കിയത്. രാജ്യത്തെ കളളപ്പണ ഇടപാടുകള് തടയുന്നതിന്റെ ഭാഗമായാണ് ഈ പുതിയ നടപടി. ഈ തീരുമാനത്തിന്റെ തുടര്ച്ചയായി 2000 രൂപയുടെ നോട്ടുകള് പ്രചാരണത്തില് നിന്നും പിന്വലിച്ചേക്കുമെന്നും റിപ്പോര്ട്ടുകളുണ്ട്. ഈ സാമ്പത്തിക വര്ഷത്തില് ഇന്ത്യന് കറന്സി പ്രിന്റ് അച്ചടിക്കുന്ന ഭാരതീയ റിസര്വ് ബാങ്ക് നോട്ട് മുദ്രണ് പ്രൈവറ്റ് ലിമിറ്റഡ് രാജ്യത്ത് ഒറ്റ 2000 നോട്ട് പോലും അച്ചടിച്ചിട്ടില്ല
ഏറെ നാളുകളായി 2000 നോട്ടിന്റെ ക്ഷാമം അനുഭവപ്പെടുന്നുണ്ടായിരുന്നു. ഇതിനു പിറകെയാണ് വിവരാവകാശ അപേക്ഷയില് 2000 രൂപ നോട്ടുകളുടെ അച്ചടി നിര്ത്തിയതായുളള റിസര്വ് ബാങ്കിന്റെ തീരുമാനം പുറത്തുവന്നത്. നടപ്പുസാമ്പത്തിക വര്ഷം ഒറ്റ 2000 രൂപ നോട്ടു പോലും അച്ചടിച്ചിട്ടില്ല എന്നാണ് റിസര്വ് ബാങ്കിന്റെ മറുപടിയില് പറയുന്നത്. 2000 രൂപ നോട്ടിന്റെ പൂഴ്ത്തിവെയ്പ് തടയുന്നതിന്റെ ഭാഗമായി ഘട്ടം ഘട്ടമായാണ് നോട്ടിന്റെ അച്ചടി നിര്ത്താനായി റിസര്വ് ബാങ്ക് തീരുമാനിക്കുന്നത്. ആദ്യം നോട്ട് അച്ചടിച്ച് ഇറക്കുന്നതില് കുറവ് വരുത്തി പിന്നീടത് പൂര്ണമായും നിര്ത്തുകയായിരുന്നു.നോട്ടുനിരോധനം രാജ്യത്ത് സാമ്പത്തിക പ്രത്യാഘാതങ്ങള് ഉണ്ടാകുമെങ്കിലും അനിയന്ത്രിതമായ അളവിലുള്ള കളളപ്പണ ഇടപാടുകള്ക്ക് തടയിടാന് കഴിയുമെന്ന് അധികൃതര് കരുതുന്നു.വീണ്ടുമൊരു നോട്ട് നിരോധനത്തിലേക്കാണോ പോകുന്നത് എന്നും സംശയമുണ്ട്.