സംസ്ഥാനത്ത് ഇന്ന് 12 പേര്ക്ക് കോവിഡ്19 സ്ഥിരീകരിച്ചതായി മുഖ്യമന്ത്രി പിണറായി വിജയന് വാര്ത്ത സമ്മേളനത്തില് പറഞ്ഞു. ഇന്ന് ആര്ക്കും രോഗമുക്തി ഇല്ല. കണ്ണൂരില് അഞ്ച് പേര്ക്കാണ് ഇന്ന് രോഗം സ്ഥിരീകരിച്ചത്. മലപ്പുറം – 3, പത്തനംതിട്ട, ആലപ്പുഴ, തൃശ്ശൂര് ഒരോന്ന് വീതം എന്നിങ്ങനെയാണ് ഇന്ന് കോവിഡ് സ്ഥിരീകരിച്ചവരുടെ ജില്ല തിരിച്ചുള്ള കണക്ക്. വിദേശത്ത് നിന്ന് വന്ന നാല് പേര്ക്കും മറ്റ് സംസ്ഥാനങ്ങളില് നിന്ന് എത്തിയ എട്ട് പേര്ക്കുമാണ് രോഗ ബാധ. ആറ് പേര് മഹാരാഷ്ട്രയില് നിന്ന് എത്തിയവരാണ്. മറ്റു രണ്ട് പേര് ഗുജറാത്ത്, തമിഴ്നാട് എന്നിവിടങ്ങളില് നിന്നുമാണ് കേരളത്തിലേക്ക് എത്തിയത്.
ഇന്ന് 119 പേരെയാണ് ആശുപത്രിയില് പ്രവേശിപ്പിച്ചത്. ഇതുവരെ 46,958 സാമ്പിള് പരിശോധിച്ചു. ഇതില് 45,527 എണ്ണത്തില് രോഗബാധയില്ലെന്ന് ഉറപ്പുവരുത്തിയിട്ടുണ്ട്. 33 ഹോട്ട് സ്പോട്ടുകളാണ് ഇപ്പോള് സംസ്ഥാനത്തുള്ളത്. കണ്ണൂരിലെ പാനൂര് മുനിസിപ്പാലിറ്റി, ചൊക്ലി, മയ്യില് പഞ്ചായത്തുകള്, കോട്ടയത്തെ കോരുത്തോട് പഞ്ചായത്ത് എന്നിവയാണ് പുതിയ ഹോട്ട്സ്പോട്ടുകള്.
കണ്ടെയ്ന്മെന്റ് സോണുകളുടെ നിയന്ത്രണം കൂടുതല് കര്ക്കശമാക്കുമെന്നും ഇന്ന് ആകെ 1,297 സാമ്പിളുകളാണ് പരിശോധിച്ചതെന്നും മുഖ്യമന്ത്രി പറഞ്ഞു. ബ്രേക്ക് ദ ചെയിന്, ക്വാറന്റീന്, റിവേഴ്സ് ക്വാറന്റീന് എന്നിവയെല്ലാം കൂടുതല് ശക്തമായി തുടരേണ്ടതുണ്ടെന്നും മുഖ്യമന്ത്രി കൂട്ടിച്ചേര്ത്തു.