ഖാലിദ് റഹ്മാന് സംവിധാനം ചെയ്യുന്ന ഷൈന് ടോം ചാക്കോ, രജിഷ വിജയന് ചിത്രത്തിന്റെ ടൈറ്റിലും പോസ്റ്ററും പുറത്ത്. ലവ് എന്നാണ് ചിത്രത്തിന്റെ പേര്.
ആഷിക് ഉസ്മാന് നിര്മിക്കുന്ന ചിത്രത്തില് വീണ നന്ദകുമാര്, സുധി കോപ്പ, ഗോഗുലന്, ജോണി ആന്റണി എന്നിവരും അഭിനയിക്കുന്നു. കൊവിഡ് മാനദണ്ഡങ്ങള് പാലിച്ച് ആദ്യം ചിത്രീകരണം പൂര്ത്തിയാക്കിയ മലയാള സിനിമയാണ് ലവ്. മമ്മൂട്ടി നായകനായ ഉണ്ട എന്ന ചിത്രത്തിനു ശേഷം ഖാലിദ് റഹ്മാന് സംവിധാനം ചെയ്യുന്ന ചിത്രമാണിത്.
പ്രിഥീരാജ്, ഇന്ദ്രജിത്ത് തുടങ്ങിയവര് ഫെയ്സ്ബുക്കിലൂടെ പോസ്റ്റര് ഷെയര് ചെയ്തിട്ടുണ്ട്. ഖാലിദ് റഹ്മാനും രജിഷ വിജയനും ഇതിനു മുമ്പ് അനുരാഗ കരിക്കിന്വെള്ളം എന്ന ചിത്രത്തില് ഒരുമിച്ച് പ്രവര്ത്തിച്ചിട്ടുണ്ട്.