ലഡാക്കിലെ ഗല്വാന് താഴ്വരയില് 20 ഇന്ത്യന് സൈനികരുടെ വീരമൃത്യുവിന് ഇടയാക്കിയ സംഘര്ഷത്തിന്റെ വീഡിയോ ദൃശ്യങ്ങള് ചൈനീസ് മാധ്യമം പുറത്ത് വിട്ടു. ചൈനീസ് മാധ്യമമായ ഷെയ്ന് ഷിവേയില് പ്രത്യക്ഷപ്പെട്ടത്. സംഘര്ഷത്തില് 5 സൈനികര് കൊല്ലപ്പെട്ടതായി ചൈന സമ്മതിച്ചതിന് തൊട്ടുപിന്നാലെയാണ് വിഡിയോ പുറത്തുവന്നത്.
ചൈന പുറത്തുവിട്ട ദൃശ്യങ്ങളോട് തല്ക്കാലം പ്രതികരിക്കുന്നില്ലെന്ന് ഇന്ത്യ വ്യക്തമാക്കി. സംഘര്ഷം ഉണ്ടാക്കിയത് ഇന്ത്യന് സൈനികരെന്ന് വരുത്തുന്ന വിഡിയോ ആണ് ചൈന പുറത്തുവിട്ടത്.
കൊല്ലപ്പെട്ട സൈനികരെ മരണാനന്തര ബഹുമതികള് നല്കി പ്രസിഡന്റ് ഷി ചിന്പിങ് അധ്യക്ഷനായ ചൈനീസ് മിലിട്ടറി കമ്മിഷന് ആദരിച്ചതായി ചൈനീസ് സൈന്യത്തിന്റെ ഔദ്യോഗിക മാധ്യമമായ പിഎല്എ ഡെയ്ലി റിപ്പോര്ട്ട് ചെയ്തിരുന്നു. റിപ്പോര്ട്ടില് കൊല്ലപ്പെട്ടവരുടെ പേര് വിവരങ്ങളുമുണ്ട്.
സംഘര്ഷത്തില് എത്ര സൈനികര്ക്ക് പരുക്കേറ്റു എന്നതില് ചൈന മൗനം തുടരുകയാണ്.