കൊച്ചിയിലെ ഫ്ളാറ്റില് യുവതിയെ ക്രൂരമായി പീഡിപ്പിച്ച കേസില് കുറ്റം സമ്മതിച്ച് പ്രതി മാര്ട്ടിന് ജോസഫ്. യുവതിയെ ആക്രമിച്ചത് മറ്റ് ബന്ധമുണ്ടെന്ന സംശയത്തിലാണെന്ന് മാര്ട്ടിന് ജോസഫ് പൊലീസിനോട് വെളിപ്പെടുത്തി. നേരത്തേ വിവാഹം കഴിച്ചിരുന്നെന്ന വിവരം യുവതി മറച്ചുവച്ചെന്നും ഇയാള് മൊഴി നല്കി.
സുഹൃത്തിന്റെ സഹായത്താലാണ് മാര്ട്ടിന് ജോസഫ് തൃശൂരില് ഒളിവില് കഴിഞ്ഞത്. ഇയാള് തന്നെയാണ് മറ്റ് സൗകര്യങ്ങളും ഒരുക്കി നല്കിയത്. ഒളിവില് കഴിയുന്നതിനിടെ മാര്ട്ടിന് ഭക്ഷണമെത്തിച്ച റോയ് എന്നയാളെ പൊലീസ് പിടികൂടിയിട്ടുണ്ട്. ഇന്നലെയാണ് മാര്ട്ടിന് ജോസഫിനെ പൊലീസ് പിടികൂടിയത്. ഇയാളെ ഇന്ന് വിശദമായി ചോദ്യം ചെയ്യും.
കൊച്ചി മറൈന് ഡ്രൈവിലെ ഫ്ളാറ്റില് വച്ച് കണ്ണൂര് സ്വദേശിനിയായ യുവതിക്കാണ് പ്രതി മാര്ട്ടിന് ജോസഫ് പുലിക്കോട്ടിലില് നിന്ന് ക്രൂരപീഡനം നേരിടേണ്ടിവന്നത്. എറണാകുളത്ത് ജോലി ചെയ്യുമ്പോഴാണ് ഇരുവരും പരിചയപ്പെടുന്നത്. കഴിഞ്ഞ വര്ഷം ലോക്ക്ഡൗണ് സമയത്ത് കൊച്ചിയില് കുടുങ്ങിയപ്പോഴാണ് സുഹൃത്തായ മാര്ട്ടിനൊപ്പം യുവതി താമസിക്കാന് തുടങ്ങിയത്. മാര്ട്ടിന്റെ കൊച്ചി മറൈന് ഡ്രൈവിലെ ഫ്ളാറ്റിലായിരുന്നു താമസം. കഴിഞ്ഞ ഫെബ്രുവരി മുതല് മുറിയില് പൂട്ടിയിട്ട് മാര്ട്ടിന് അതിക്രൂരമായി പീഡിപ്പിക്കുകയായിരുന്നുവെന്നാണ് യുവതിയുടെ പരാതി.
യുവതി പൊലീസില് നല്കിയ മൊഴി ഞെട്ടിക്കുന്നതാണ്. കഴിഞ്ഞ ലോക്ഡൗണില് കൊച്ചിയില് കുടുങ്ങിയതോടെയാണ് മുമ്പ് പരിചയമുണ്ടായിരുന്ന മാര്ട്ടിനൊപ്പം യുവതി താമസിക്കുന്നത്. എറണാകുളത്ത് ജോലി ചെയ്യുമ്പോഴാണ് ഇരുവരും പരിചയത്തിലായത്. ഒരു വര്ഷം ഒരുമിച്ച് താമസിച്ചു. എന്നാല് കഴിഞ്ഞ ഫെബ്രുവരി മുതല് മാര്ട്ടിന് തന്നെ നിരന്തരം ഉപദ്രവിച്ചിരുന്നതായി യുവതി പറയുന്നു. ക്രൂരമായ ലൈംഗീക ഉപദ്രവവും മര്ദ്ദനവുമാണ് നേരിട്ടത്. ശരീരത്തില് പൊള്ളലേല്ക്കുകയും മൂത്രം കുടിപ്പിക്കുകയും ചെയ്തു.
യുവതിയുടെ സ്വകാര്യ ദൃശ്യങ്ങള് പകര്ത്തിയ മാര്ട്ടിന് ഫ്ളാറ്റില് നിന്ന് പുറത്തുപോകുകയോ പീഡന വിവരം പുറത്തുപറയുകയോ ചെയ്താല് ഇവ പുറത്തുവിടുമെന്ന് ഭീഷണിപ്പെടുത്തിയിരുന്നു. മര്ദ്ദനത്തിന് പുറമേ കണ്ണില് മുളകുവെള്ളം ഒഴിക്കുക, ശരീരത്തില് ചൂടുവെള്ളം ഒഴിക്കുക. ബെല്റ്റുകൊണ്ട് അടിക്കുക എന്നിങ്ങനെ പീഡനം ക്രൂരമായിരുന്നു. 22 ദിവസത്തോളം പീഡനം നേരിട്ടെന്ന് യുവതി പറയുന്നു.
ഭക്ഷണം വാങ്ങാന് മാര്ട്ടിന് പുറത്തുപോയപ്പോഴാണ് യുവതി ഫ്ളാറ്റില് നിന്ന് രക്ഷപ്പെട്ടത്. യുവതി പൊലീസില് പരാതി നല്കിയതോടെ ഇയാള് മുങ്ങുകയായിരുന്നു.