അന്വേഷണ ഉദ്യോഗസ്ഥരെ വധിക്കാന് ഗൂഢാലോചന നടത്തിയെന്ന കേസില് ദിലീപിന്റേതടക്കം ആറ് പ്രതികളുടെ മുന്കൂര് ജാമ്യാപേക്ഷ ഹൈക്കോടതി ഇന്ന് പരിഗണിക്കും. മുദ്രവെച്ച കവറിനുള്ളില് അന്വേഷണ റിപ്പോര്ട്ട് അല്പ്പസമയത്തിനകം ക്രൈംബ്രാഞ്ച് കോടതിയില് സമര്പ്പിക്കും. അതേസമയം, ദിലീപ് തന്റെ അഭിഭാഷകനായ രാമന് പിള്ളയുമായി കൂടിക്കാഴ്ച്ച നടത്തുകയാണ്.
ദിലീപിന്റെ സഹോദരന് അനൂപ്, സഹോദരീ ഭര്ത്താവ് സൂരജ്, ചെങ്ങമനാട് സ്വദേശി ബൈജു, അപ്പു, ആലുവ സ്വദേശി ശരത് എന്നിവരുടെ മുന്കൂര് ജാമ്യാപേക്ഷയിലാണ് ഹൈക്കോടതി ഇന്ന് നിലപാട് അറിയിക്കുക. കെട്ടിചമച്ച കേസും വ്യാജ തെളിവുകളുമായി പൊലീസ് തങ്ങളെ വേട്ടയാടുന്നുവെന്നാണ് പ്രതികളുടെ ആരോപണം.
എന്നാല് ജാമ്യാപേക്ഷയെ ശക്തമായി എതിര്ക്കുമെന്നാണ് പ്രോസിക്യൂഷന് തീരുമാനം. പ്രതികളെ കസ്റ്റഡിയില് വേണമെന്ന ആവശ്യവും അന്വേഷണ സംഘം ഉയര്ത്തിയേക്കും. പ്രതികളുടെ ചോദ്യം ചെയ്യല് സംബന്ധിച്ച വിശദമായ റിപ്പോര്ട്ടും ഇന്ന് കോടതിയില് സമര്പ്പിക്കും. മുദ്രവച്ച കവറിലാകും റിപ്പോര്ട്ട് സമര്പ്പിക്കുക.