പ്രെസ്റ്റന്‍ ഗ്രേറ്റ് ബ്രിട്ടന്‍ സീക്കോ മലബാര്‍ രൂപതയുടെ കത്തീഡ്രല്‍ ദേവാലയമായ പ്രെസ്റ്റണില്‍ സെന്റ് അല്‍ഫോന്‍സാ പള്ളിയില്‍ മൂറോന്‍ കൂദാശ പാരികര്‍മ്മം ചെയ്തു , രൂപതാധ്യക്ഷന്‍ മാര്‍ ജോസഫ് ജോസഫ് സ്രാമ്പിക്കലിന്റെ കാര്‍മികത്വത്തില്‍ നടന്ന തിരുക്കര്‍മ്മങ്ങളില്‍ രൂപതയുടെ വിവിധ ഭാഗങ്ങളില്‍ സേവനം ചെയ്യുന്ന വൈദികര്‍ , അല്മായ പ്രതിനിധികളും പങ്കെടുത്തു .സഭാഗാത്രത്തിന്റെ ഏകനാവായി വിശ്വാസ സമൂഹം മാറേണ്ടതിന്റെ ആവശ്യകതയെപ്പറ്റി അഭിവന്ദ്യ പിതാവ് തന്റെ വചന സന്ദേശത്തില്‍ പ്രബോധിപ്പിച്ചു . ഒരാള്‍ക്കും ഒഴുകഴിവില്ലാത്ത ദൗത്യ നിര്‍വഹണമാണിതെന്നും തങ്ങളുടെ ഭാഗധേയം നിര്‍വഹിക്കുന്നതില്‍ ഓരോരുത്തരും ഉത്സാഹികള്‍ ആകണമെന്നും അദ്ദേഹം കൂട്ടിച്ചേര്‍ത്തു .
രൂപതാ പ്രോട്ടോ സിഞ്ചെല്ലൂസ് റെവ. ഡോ . ആന്റണി ചുണ്ടെലിക്കാട്ട് , സിഞ്ചെല്ലൂസ്മാരായ റെവ. ഫാ. ജോര്‍ജ് ചേലക്കല്‍ , റെവ. ഫാ. ജിനോ അരിക്കാട്ട് എം. സി. ബി . എസ് . കത്തീഡ്രല്‍ വികാരി റെവ. ഡോ . ബാബു പുത്തന്‍പുരക്കല്‍ തുടങ്ങിയവര്‍ സഹകാര്‍മികരായിരുന്നു .
ഷൈമോന്‍ തോട്ടുങ്കല്‍
