ദൃശ്യം സിനിമ ശ്രീനിവാസനെ നായകനാക്കി ചെയ്യാന്‍ താന്‍ തീരുമാനിച്ചതായിരുന്നുവെന്ന് നിര്‍മ്മാതാവ് എസ്. സി പിള്ള അന്ന് അതിന് മൈത്രി പോലീസ് എന്നായിരുന്നു പേരിട്ടിരുന്നത്.
മോഹന്‍ലാല്‍ അഭിനയിപ്പിച്ച് നൂറ് കോടി ലഭിക്കുന്നതിലും തനിക്കിഷ്ടം ശ്രീനിവാസനെ വെച്ച് മൂന്ന് കോടി ലഭിക്കുന്നതാണെന്നും മറ്റൊരാളെ ഹിറോയാക്കാന്‍ തനിക്ക് താല്പര്യമില്ലായിരുന്നുവെന്നും അദ്ദേഹം പറഞ്ഞു.
അദ്ദേഹമാണ് അഭിനയിക്കുന്നകതെങ്കില്‍ തനിക്ക് ആവറേജ് കളക്ഷന്‍ കിട്ടിയാല്‍ മതി. രണ്ട് കോടിയുടെ പടത്തിന് ഇരുപത്തഞ്ച് ലക്ഷം രൂപ ലാഭം കിട്ടിയാലും തനിക്ക് സന്തോഷമായിരുന്നു. അങ്ങനെയാണ് ദൃശ്യം സിനിമ അദ്ദേഹത്തെ വെച്ച് ചെയ്യാന്‍ താന്‍ തീരുമാനിച്ചത്. അന്ന് അതിന് മൈത്രി പോലീസ് എന്നായിരുന്നു പേരിട്ടിരുന്നത്.
ജീത്തു ജോസഫായിരുന്നു തിരക്കഥാകൃത്ത്. പാസഞ്ചറിന്റെ അസോസിയേറ്റ് ഡയറക്ടറായിരുന്ന പയ്യന്‍ അദ്ദേഹത്തിന്റെ ആദ്യ സിനിമ താന്‍ ചെയ്യണമെന്ന് പറഞ്ഞാണ് തന്റെ അടുത്ത് വരുന്നതും കഥ പറഞ്ഞതും. കഥ കേട്ടപ്പോള്‍ തന്നെ ശ്രീനിവാസനെ നായകനായി നിശ്ചയിക്കുകയും ചെയ്തു. മീനയ്ക്ക് പകരം മീര വാസുദേവിനെയാണ് നായികയായി അന്ന് നിശ്ചയിച്ചിരുന്നത്.
എന്നാല്‍ അവസാന നിമിഷം താനും മാനേജരുമായി ആ സിനിമയുടെ പേരില്‍ വഴക്കാകുകയും സിനിമ തന്റെ അടുത്ത് പോകുകയുമായിരുന്നു. പിന്നീട് ആ സിനിമ ചെയ്തത് അന്റിണി പെരുമ്പാവൂരാണ് . അതിന്റെ പിന്നില്‍ ഒരുപാട് കളികള്‍ നടന്നിട്ടുണ്ടെന്നും അദ്ദേഹം പറഞ്ഞു.
