വിവാഹ സത്കാരത്തിനിടെ നവ വധുവിനൊപ്പം നൃത്തം ചെയ്യുമ്പോള് കുഴഞ്ഞുവീണ് മരിച്ച് നവ വരന്. ഈജിപ്തിലാണ് ദാരുണ സംഭവമുണ്ടായത്. വധുവിന്റെ കൈപിടിച്ച് ഒരുമിച്ച് നൃത്തം ചെയ്യുന്നതിനിടെ വരന് അഷ്റഫ് അബു ഹക്കം കുഴഞ്ഞുവീഴുകയായിരുന്നു.
ഈജിപ്തിലെ പരമ്പരാഗത നൃത്തത്തില് ഉപയോഗിക്കുന്ന സൈദി വടി വീശിയാണഅ രണ്ടുപേരും ചുവടുവച്ചിരുന്നത്. ഈ സൈദി വടികള് വിശേഷാവസരങ്ങളില് എപ്പോഴും ഉപയോഗിക്കാറുണ്ട്. അതിഥികള് സഹായത്തിനായി ഓടിയെത്തിയപ്പോഴേക്കും വരന്റെ ജീവന് നഷ്ടമായിരുന്നു. ഹൃദയാഘാതമാണ് മരണകാരണമെന്ന് ഡോക്ടര്മാര് സ്ഥിരീകരിച്ചു.
