ലണ്ടൻ മലയാള സാഹിത്യ വേദിയുടെ ആഭിമുഖ്യത്തിൽ ലണ്ടനിലെ പല ഭാഗത്തും സംഘടിപ്പിക്കുവാനുദ്ധേശിക്കുന്ന യുകെയിൽ നിങ്ങൾ അറിഞ്ഞിരിക്കേണ്ട നിയമപരമായ അവകാശങ്ങളെയും സംരക്ഷണത്തെയും പറ്റിയുള്ള സെമിനാറുകളുടെ പ്രഥമ സെമിനാർ എൻഫീൽഡ് മലയാളി അസോസിയേഷന്റെ ആതിഥേയത്വത്തിൽ നടത്തപ്പെടുന്നു. ഒക്ടോബർ 25 ന് വൈകുന്നേരം 5 മണിക്ക് ആരംഭിക്കുന്ന സെമിനാർ നയിക്കുന്നത് യുകെ മലയാളികൾക്കിടയിൽ സുപരിചിതനായ നിയമജ്ഞൻ ബൈജു വർക്കി തിട്ടാലയാണ്.
നിയമത്തിൽ ബിരുദവും തൊഴിൽ നിയമത്തിൽ ബിരുദാനനന്തര ബിരുദവും ഉള്ള ബൈജു വർക്കി തിട്ടാല സാമൂഹിക വിഷയങ്ങളിൽ ഇടപ്പെടുന്ന വ്യക്തിയും ഇന്ത്യൻ വർക്കേഴ്സ് യൂണിയന്റെ കമ്മിറ്റി മെമ്പറുമാണ്. പ്രവർത്തനം ആരംഭിച്ചതിന്റെ ദശാബ്ദി വർഷം ആഘോഷിക്കുന്ന എൻഫീൽഡ് മലയാളി അസോസിയേഷൻ പുതുമയേറിയ പ്രവർത്തനങ്ങളിലൂടെ യുകെയിലെ പ്രമുഖ മലയാളി കൂട്ടായ്മകളിൽ ഒന്നാണ്. പ്രസിഡന്റ് ജോർജ് പാറ്റിയാലിന്റെ നേതൃത്വത്തിൽ ഒരു വർഷം നീണ്ടു നില്ക്കുന്ന ദശാബ്ദി വർഷാഘോഷങ്ങൾ പുരോഗമിക്കുകയാണ്.
സെമിനാർ നടക്കുന്ന സ്ഥലം:
സെന്റ്‌ ലൂക്ക്സ് ഹാൾ, എൻഫീൽഡ്
