Breaking Now

വൈദ്യുതി മേഖല സ്വകാര്യവത്ക്കരിക്കില്ല: മന്ത്രി ആര്യാടന്‍

സ്വകാര്യവത്ക്കരണത്തില്‍ നിന്ന് ലഭിക്കുന്ന സാമ്പത്തിക ലാഭം വേണ്ടെന്നും ആര്യാടന്‍ പറഞ്ഞു

വൈദ്യുതി മേഖല സ്വകാര്യവത്ക്കരിക്കില്ലെന്ന് വൈദ്യുതി മന്ത്രി ആര്യാടന്‍ മുഹമ്മദ്. സ്വകാര്യവത്ക്കരിക്കണമെന്ന് കേന്ദ്ര സര്‍ക്കാര്‍ പറഞ്ഞിട്ടില്ല. വൈദ്യുതി മേഖലയിലെ പ്രവര്‍ത്തനക്ഷമത കൂട്ടാനാണ് കേന്ദ്രം ആവശ്യപ്പെട്ടതെന്നും മന്ത്രി പറഞ്ഞു. സ്വകാര്യവത്ക്കരണത്തില്‍ നിന്ന് ലഭിക്കുന്ന സാമ്പത്തിക ലാഭം വേണ്ടെന്നും ആര്യാടന്‍ പറഞ്ഞു. കേന്ദ്ര പവര്‍ ഫിനാന്‍സ് കോര്‍പ്പറേഷന്‍ ചെയര്‍മാന്‍ ആന്‍ഡ് മാനേജിങ് ഡയറക്ടര്‍ സത്‌നാംസിങ് അയച്ച കത്തിന്റെ  മറുപടി നല്‍കുമ്പോള്‍ ഇക്കാര്യം കേന്ദ്രസര്‍ക്കാരിനെ അറിയിക്കുമെന്നും മന്ത്രി സഭയെ അറിയിച്ചു.

വൈദ്യുതി മേഖല സ്വകാര്യവല്‍ക്കരിക്കാനുള്ള നീക്കം ചര്‍ച്ച ചെയ്യണമെന്നാവശ്യപ്പെട്ട് പ്രതിപക്ഷം നല്‍കിയ അടിയന്തര പ്രമേയത്തിന് മറുപടി പറയുകയായിരുന്നു അദേഹം.

പ്രതിപക്ഷത്തു നിന്ന് എ.കെ.ബാലനാണ് അടിയന്തര പ്രമേയത്തിന് അവതരണാനുമതി തേടിയത്. വൈദ്യുതി മേഖലയുടെ സ്വകാര്യവത്ക്കരണത്തിന് കേന്ദ്ര സര്‍ക്കാര്‍ സമ്മര്‍ദം ചെലുത്തിയതായി എ.കെ.ബാലന്‍ ആരോപിച്ചു. സംസ്ഥാന സര്‍ക്കാര്‍ അതിന് അനുകൂല നിലപാടെടുത്തു. സ്വകാര്യവല്‍ക്കരണത്തിനുള്ള നീക്കങ്ങള്‍ നടക്കുകയാണ്. എന്നാല്‍ ഇക്കാര്യം ജനങ്ങളില്‍ നിന്നു മറച്ചുവെച്ചതായി അദ്ദേഹം ആരോപിച്ചു.

 




കൂടുതല്‍വാര്‍ത്തകള്‍.