Breaking Now

'പേരും വയസും' മാത്രം ഷാരൂഖിന് അറിയാം

ബോളിവുഡിലെ കിംഗ് ഖാന് പേരും വയസും അറിയാം. ആരുടെ എന്നൊരു ചോദ്യം മനസിൽ ഉണ്ടായിട്ടുണ്ടാകും. ആരുടെയും പേരും വയസുമല്ല. മലയാളത്തിൽ ഷാരൂഖിന് അറിയാവുന്ന രണ്ടേ രണ്ടു വാക്കുകളാണ് പേര്,​ വയസ് എന്നിവ. ഇത് മാത്രം നായകൻ പറയുന്ന ഏതെങ്കിലും മലയാളം സിനിമ വരികയാണെങ്കിൽ അതിൽ താൻ എന്തായാലും അഭിനയിക്കുമെന്നാണ് ഷാരൂഖ് തമാശയായി പറയുന്നത്.

ചെന്നൈ എക്സപ്രസ്സ് എന്ന ചിത്രത്തിന്രെ ഷൂട്ടിംഗിനായി മൂന്നാറിൽ എത്തിയ ഷാരൂഖ് ഖാൻ പറയുന്നത് മലയാളി പ്രേക്ഷകരുടെ സ്നേഹം വളരെ ഇഷ്ടമായി എന്നാണ്.

ഒരു തവണ കേരളത്തിലെത്തിയപ്പോൾ മോഹൻലാലിനൊപ്പം ഒരു ബോട്ട്‌യാത്ര നടത്തിയെന്നും,​ ബ്രിഡ്ജിന് താഴെ എത്തിയപ്പോൾ ഒരു കൂട്ടം ആളുകൾ കാണാൻ എത്തിയെന്നും താരം പറഞ്ഞു. 'തന്നെ കാണാൻ വന്നവരായിരുന്നില്ല അതിൽ കൂടുതലും മോഹൻലാൽജിയുടെ ആരാധകരായിരുന്നു. എങ്കിലും അവർക്കിടയിൽ ചിലർ എന്നെകാണാനും എത്തിയിരുന്നു അതെനിക്ക് നല്ലൊരു അനുഭവമായിരുന്നു'-ഖാൻ പറഞ്ഞു.

മലയാളം അറിയാത്തതിൽ​ വളരെ നിരാശയുണ്ടെന്നും ഷാരൂഖ് പറഞ്ഞു. ഇന്ത്യയെ തെക്ക് വടക്ക് എന്നിങ്ങനെ വേർതിരിക്കാതെ എല്ലാവരും ഒന്നാണ് എന്ന് വളരെ ലളിതമായി പറയുകയാണ് ചെന്നൈ എക്സപ്രസ് എന്ന സിനിമയിലെന്ന് താരം പറ‍ഞ്ഞു.

തന്നോടൊപ്പം അഭിനയിച്ച നായികമാരെല്ലാം തന്നേക്കാളും ഉയരമുള്ളവരാണെന്നും  എന്നാൽ അവരുടെ പേരുകൾ ആദ്യം സ്ക്രീനിൽ തെളിയുന്നില്ലെന്നും ഇത് ശരിയല്ലെന്നും കിംഗ്ഖാൻ പറഞ്ഞു. പറച്ചിൽമാത്രമല്ല,​ താൻ നിർമ്മിക്കുന്ന ചിത്രത്തിൽ നായികയുടെ പേര് എഴുതിക്കാണിച്ചതിനു ശേഷമായിരിക്കും നായകന്രെ പേര് കാണിക്കുക എന്നും ഷാരൂഖ് പറഞ്ഞു.

 




കൂടുതല്‍വാര്‍ത്തകള്‍.