ഹൈദരാബാദില്‍ വെറ്ററിനറി ഡോക്ടറെ പീഡിപ്പിച്ചു കൊലപ്പെടുത്തിയ മുഖ്യ പ്രതിയ്ക്ക് പോലീസുമായി ഏറ്റുമുട്ടലുണ്ടായപ്പോള്‍ വെടിയേറ്റത് നാലു തവണ. പോസ്റ്റ്‌മോര്‍ട്ടം റിപ്പോര്‍ട്ടില്‍ പറയുന്നത് ഇങ്ങനെയാണ്. കൊല്ലപ്പെട്ട നാലുപേരുടേയും മൃതദേഹങ്ങള്‍ സംസ്‌കരിക്കുന്നത് ഹര്‍ജികളില്‍ അന്തിമ തീരുമാനം ഉണ്ടാകും വരെ ഹൈക്കോടതി തടഞ്ഞു.ഹര്‍ജികളില്‍ തെലങ്കാന ഹൈക്കോടതി ചീഫ് ജസ്റ്റിസിന്റെ ബെഞ്ച് തിങ്കളാഴ്ച വിധി പറയും.
ജനരോഷം തണുപ്പിക്കാന്‍ വേണ്ടി പോലീസ് നടത്തിയ നാടകമാണ് ഏറ്റുമുട്ടല്‍ കൊലപാതകമെന്ന ആരോപണം ഉയര്‍ന്നു. മനുഷ്യാവകാശ കമ്മീഷന്‍ തെളിവെടുപ്പ് നടത്തി. ഏറ്റുമുട്ടല്‍ കൊലപാതകങ്ങള്‍ ചോദ്യം ചെയ്തുള്ള ഹര്‍ജികള്‍ പരിഗിക്കുന്നത് തെലങ്കാന ഹൈക്കോടതി തിങ്കളാഴ്ചത്തേക്ക് മാറ്റി.
