സ്വന്തം കല്യാണത്തിന് മദ്യപിച്ചെത്തി പ്രശ്നമുണ്ടാക്കിയ വരനെ കസ്റ്റഡിയിലെടുത്ത് പൊലീസ്. തടിയൂരിലാണു സംഭവം. വിവാഹത്തില് നിന്ന് വധുവും കുടുംബവും പിന്മാറി. വധുവിന്റെ വീട്ടുകാര്ക്ക് 6 ലക്ഷം രൂപ നഷ്ടപരിഹാരം നല്കാമെന്ന ധാരണയിലാണ് ഇരുകൂട്ടരും പിരിഞ്ഞത്.
പള്ളിമുറ്റത്തെത്തിയ വരന് കാറില്നിന്നിറങ്ങാന്പോലും പാടുപെട്ടു. പുറത്തിറങ്ങിയതോടെ കൂടുതല് വഷളായി. വിവാഹത്തിനു കാര്മികത്വം വഹിക്കാനെത്തിയ വൈദികനോടുവരെ മോശമായി സംസാരിച്ചു.വിവരമറിഞ്ഞ് പൊലീസെത്തിയപ്പോഴും വരന് പ്രശ്നമുണ്ടാക്കി. അതോടെ, മദ്യപിച്ച് പ്രശ്നമുണ്ടാക്കിയെന്ന വകുപ്പു ചുമത്തി പൊലീസ് കേസെടുത്തു.
മദ്യപിച്ചതായി വൈദ്യപരിശോധനയില് തെളിഞ്ഞിട്ടുണ്ട്. വിദേശത്തുനിന്നു വിവാഹത്തിനെത്തിയതായിരുന്നു വരന്. രാവിലെ മുതല് മദ്യപിച്ചിരുന്നതായി ബന്ധുക്കളില് ചിലര് പറഞ്ഞു.