വർഷാദ്യ വെള്ളിയാഴ്ച നൈറ്റ് വിജിൽ നാളെ ഫിഷ്‌ പോണ്ട്സ് സെന്റ് ജോസഫ്സ് ദേവാലയത്തിൽ 8.15 നോട് കൂടി ആഘോഷിക്കപ്പെടുന്നു .
ജപമാല സമർപ്പണത്തോട് കൂടി ആരംഭിക്കുന്ന നൈറ്റ് വിജിലിൽ ദിവ്യ ബലിയും ആരാധനയും സ്തുതിപ്പും ഉണ്ടായിരിക്കുന്നതാണ് . കഴിഞ്ഞ വർഷത്തിൽ ദൈവം നല്കിയ നിർലോഭമായ അനുഗ്രഹങ്ങൾക്ക് നന്ദി പറയാനും വരും വർഷം കൂടുതൽ ഐശ്വര്യ പൂർണ്ണവും അനുഗ്രഹപ്രദവുമാക്കാൻ ഈ നൈറ്റ് വിജിൽ ഉപകരിക്കട്ടെയെന്ന് എസ് ടി എസ് എം സി സി ഡയറക്ടർ ഫാ പോൾ വെട്ടിക്കാട്ട് വിശ്വാസികളെ ഉത്ബോധിപ്പിച്ചു.
ബ്രിസ്റ്റോൾ കാത്തലിക് സമൂഹം 2014 മാതാവിന്റെ വർഷമായി ആചരിക്കുന്നതിനാൽ ഈ നൈറ്റ് വിജിൽ കൂടുതൽ അനുഗ്രഹ പ്രദമായിരിക്കുമെന്ന് വിശ്വാസികൾ കരുതുന്നു. നൈറ്റ് വിജിലിൽ ഫ്രാൻസിസ് കുറുക്കനാം കുന്നേൽ സന്ദേശം നല്കുന്നതായിരിക്കും. തിരു കർമ്മങ്ങൾക്ക് ഫാ ജോയി വയലിൽ മുഖ്യ കാർമ്മികത്വം വഹിക്കും.
