ഇലന്തൂരില് സൈക്കിള് നിയന്ത്രണം വിട്ട് വീടിന്റെ ഭിത്തിയില് ഇടിച്ച് ഒമ്പതാം ക്ളാസ് വിദ്യാര്ത്ഥിക്ക് ദാരുണാന്ത്യം. ഇടപ്പരിയാരം സ്വദേശിയായ 14 വയസ്സുകാരന് ഭവന്ത് ആണ് മരിച്ചത്. കുത്തനെയുള്ള ഇറക്കത്തില് സൈക്കിളിന്റെ നിയന്ത്രണം നഷ്ടപ്പെട്ടതാണ് അപകടകാരണം.
നിയന്ത്രണം വിട്ട സൈക്കിള് മുന്പിലുണ്ടായിരുന്ന വീടിന്റെ ഗേറ്റ് തകര്ത്ത് ഭിത്തിയില് ഇടിക്കുകയായിരുന്നു.
സംഭവം നടന്നയുടന് അബോധാവസ്ഥയിലായ ഭവന്തിനെ സമീപവാസികള് ആശുപത്രിയില് എത്തിച്ചെങ്കിലും രക്ഷിക്കാനായില്ല. ഓമല്ലൂര് ആര്യഭാരതി സ്കൂളിലെ ഒമ്പതാം ക്ലാസ് വിദ്യാര്ത്ഥിയാണ് ഭവന്ത്. സംസ്കാരം നാളെ ഉച്ചയ്ക്കുശേഷം രണ്ടുമണിക്ക് നടക്കും.
