വില്ക്കാനുള്ള വീടുകളുടെ എണ്ണം എട്ട് വര്ഷത്തിനിടെ ഏറ്റവും ഉയര്ന്ന റെക്കോര്ഡില്. കുറഞ്ഞ വിലയില് വീട് വാങ്ങാന് ഒരു സുവര്ണ്ണാവസരമാണ് ഇപ്പോള് തയ്യാറായിരിക്കുന്നത്. ശരാശരി എസ്റ്റേറ്റ് ഏജന്റിന് 32 വീടുകള് വില്ക്കാനായി കൈയിലുണ്ടെന്ന് പ്രോപ്പര്ട്ടി വെബ്സൈറ്റില് സൂപ്ല പറയുന്നു. 2018ന് ശേഷമുള്ള ഏറ്റവും ഉയര്ന്ന നിലയാണിത്.
ലണ്ടനില് വില്ക്കാനുള്ള വീടുകളുടെ എണ്ണം കുതിച്ചുയര്ന്നതാണ് പ്രധാന കാരണം. ഇവിടെ പ്രോപ്പര്ട്ടി വിപണി അല്പ്പം ബുദ്ധിമുട്ട് നേരിടുന്ന നിലയിലാണ്. 2025 അവസാനത്തില് പ്രോപ്പര്ട്ടി വിപണി അല്പ്പം മെല്ലെപ്പോക്കിലേക്ക് നീങ്ങിയിരുന്നു. ബജറ്റില് പുതിയ പ്രോപ്പര്ട്ടി നികുതികള് വരുമെന്ന ആശങ്കയിലായിരുന്നു ഇത്. എന്നാല് ഇതിന് ശേഷം വീടുകള് മാറാനുള്ള ആഗ്രഹം വര്ദ്ധിച്ചിട്ടുണ്ടെന്ന് സൂപ്ല പറയുന്നു.
വിപണിയില് വില്പ്പനയ്ക്കുള്ള വീടുകളുടെ എണ്ണമേറിയതോടെ ചില വില്പ്പനക്കാര്ക്ക് പ്രോപ്പര്ട്ടി കൈമാറുന്നത് ബുദ്ധിമുട്ടായി മാറിയിട്ടുണ്ട്. മൂന്നിലൊന്ന് വീടുകളും 2025ല് ലിസ്റ്റ് ചെയ്തവയാണ്. വില്പ്പന നടക്കാതെ വന്നതോടെ ഇവ വീണ്ടും ലിസ്റ്റ് ചെയ്യുകയാണ് ഉണ്ടായത്.
സൗത്ത് മേഖലകളിലാണ് ബജറ്റിലെ അനിശ്ചിതാവസ്ഥ മൂലം വലിയ സ്തംഭനാവസ്ഥ നേരിട്ടത്. ഇത് 2026-ലേക്കും തുടരുകയാണ്. സപ്ലൈ കൂടുന്നത് വീട് വാങ്ങുന്നവര്ക്ക് മികച്ച ചോയ്സാണ് നല്കുന്നത്. സതേണ് ഇംഗ്ലണ്ടില് വിലക്കയറ്റം പിടിച്ചുനിര്ത്താനും ഇത് കാരണമായിട്ടുണ്ട്. കഴിഞ്ഞ വര്ഷത്തെ അപേക്ഷിച്ച് വിലയില് 1 ശതമാനം കുറവും വന്നിട്ടുണ്ട്.
അതേസമയം നോര്ത്ത് വെസ്റ്റില് വില 3 ശതമാനം വരെ ഉയര്ന്നു. ക്രിസ്മസിന് ശേഷം ഉപഭോക്താക്കളുടെ ഡിമാന്ഡിലും ഉണര്വ് വന്നിട്ടുണ്ട്. 2026 തുടക്കത്തില് വീട് വാങ്ങാനുള്ള ഡിമാന്ഡ് 2023-നെ അപേക്ഷിച്ച് 20% കൂടുതലാണ്. ഇൗ വര്ഷം മികച്ച വില്പ്പനയ്ക്ക് ഇത് സഹായമാകും.
