വില്ല്യം രാജകുമാരനും, പിതാവ് ചാള്‍സ് രാജാവുമായി ഏറെ ഊഷ്മളമായ ബന്ധമാണെന്നാണ് പൊതുവെയുള്ള ധാരണ. പ്രത്യേകിച്ച് ഹാരി രാജകുമാരനുമായുള്ള ബന്ധത്തില്‍ വിള്ളല്‍ വീണത് വില്ല്യമിനും, കുടുംബത്തിനും ഏറെ അനുഗ്രഹമായി മാറുകയും ചെയ്തിരുന്നു. എന്നാല്‍ ഒരു ഹെലികോപ്റ്റര്‍ യാത്രയുടെ പേരില്‍ ഈ ബന്ധത്തില്‍ തിരിച്ചടി നേരിടുന്നതായാണ് റിപ്പോര്‍ട്ട്.
കുടുംബത്തെ മുഴുവന്‍ ഹെലികോപ്റ്ററില്‍ കയറ്റാന്‍ തയ്യാറാകാത്തതിന്റെ പേരിലാണ് ചാള്‍സ് രാജാവും, വില്ല്യം രാജകുമാരനും തമ്മില്‍ ഉടക്കിയിരിക്കുന്നതെന്നാണ് റിപ്പോര്‍ട്ട്. കെയ്റ്റിനും, മക്കള്‍ക്കും ആകാശയാത്ര അനുവദിക്കാന്‍ ഭാവിയില്‍ രാജകസേര നല്‍കുന്നതിന് ഭീഷണി നേരിടുമെന്ന് 75-കാരനായ ചാള്‍സ് പറഞ്ഞതായാണ് റിപ്പോര്‍ട്ട്. 
അന്തരിച്ച രാജ്ഞിയ്ക്ക് കുടുംബാംഗങ്ങള്‍ എല്ലാവരും ഒരുമിച്ച് വിമാനയാത്ര ചെയ്യുന്നത് ആശങ്കയുള്ള കാര്യമായിരുന്നു. സമാനമാണ് വില്ല്യമിന്റെ യാത്രയെ കുറിച്ചുള്ള ചാള്‍സ് രാജാവിന്റെ ആശങ്ക. ക്യാന്‍സര്‍ സ്ഥിരീകരിച്ചതിന് ശേഷം വില്ല്യമിനോടും ഈ ആവശ്യം ഉന്നയിച്ചു. എന്നാല്‍ 42-കാരനായ വില്ല്യം ഈ ആശങ്കകള്‍ അവഗണിച്ചു.
സീനിയര്‍ രാജകുടുംബാംങ്ങള്‍ ഒരുമിച്ച് വിമാനയാത്ര ചെയ്യുന്നതിന് ഏര്‍പ്പെടുത്തിയിട്ടുള്ള അലിഖിത വിലക്ക് വില്ല്യം അവഗണിക്കുകയാണ്. 2021-ല്‍ 5.4 മില്ല്യണ്‍ പൗണ്ടിന് ഹെലികോപ്റ്റര്‍ വാങ്ങിയ വില്ല്യം കെയ്റ്റിനെയും, മക്കളെയും ഇതില്‍ യാത്ര ചെയ്യിക്കുകയും ചെയ്യുന്നു. ഇത്തരം യാത്രയില്‍ ദുരന്തം സംഭവിച്ചാല്‍ രാജകസേരയിലേക്ക് ഹാരി രാജകുമാരന്‍ വരുമെന്നാണ് ഭീഷണി.
