പീറ്റര്ബറോ: കേരളത്തിന്റെ അഞ്ചുവിളക്കിന്റെ നാടും, സാംസ്കാരിക-സാമൂഹിക ചരിത്രതാളുകളില് തനത് മുഖമുദ്ര ചാര്ത്തിയിട്ടുമൂള്ള ചങ്ങനാശ്ശേരിയില് നിന്നും യുകെയിലെ വിവിധ ഭാഗങ്ങളില് പ്രവാസികളായി എത്തിയിട്ടുള്ള കുടുംബങ്ങളുടെ മഹാസംഗമം ജൂണ് 21 ന് ഞായറാഴ്ച്ച പീറ്റര്ബറോയില് നടക്കുന്നു.
ചങ്ങനാശ്ശേരിയുടെ മുന് എംഎല്എ അഡ്വ.ജോബ് മൈക്കിള്, യുക്മ നാഷണല് പ്രസിഡണ്ട് അഡ്വ. എബി സെബാസ്റ്റ്യന് എന്നിവര് മുഖ്യാതിഥികളായി സംഗമത്തില് പങ്കുചേരും. യുക്മ നാഷണല് ജോ.സെക്രട്ടറി സണ്ണിമോന് മത്തായി, ഐഒസി നാഷണല് പ്രസിഡണ്ട് സുജു കെ ഡാനിയേല് തുടങ്ങിയവരും അഞ്ചുവിളക്കിന്റെ നാട്ടുകാരുടെ സ്നേഹക്കൂട്ടായ്മ്മയില് അതിഥികളായെത്തും.
ചങ്ങനാശ്ശേരിയുടെ നൊസ്റ്റാള്ജിയയും, നാട്ടിന്പുറത്തിന്റെ സൗഹൃദ ഓര്മ്മകളും, വീണ്ടും അനുഭവിക്കാന് ഉതകുന്ന തരത്തില് കലാ-സാംസ്കാരികവും, സംവേദനാത്മകവുമായ പരിപാടികള്, സംഗീതവിരുന്ന്, വിനോദപരിപാടികള് എന്നിവ പ്രവാസി സംഗമത്തിന്റെ ഭാഗമായി അരങ്ങേറും. കുട്ടികള്ക്കും മുതിര്ന്നവര്ക്കും ഒരുപോലെ ആസ്വദിക്കാവുന്ന വിവിധ പരിപാടികളാണ് സംഘാടകര് ഒരുക്കിയിരിക്കുന്നത്.
ജൂണ് 21 നു ഞായറാഴ്ച്ച ഉച്ചകഴിഞ്ഞു കൃത്യം മൂന്നു മണിക്ക് നിലവിളക്കു കൊളുത്തി സംഗമത്തിന്റെ ഔപചാരിക ഉദ്ഘാടനം നിര്വ്വഹിക്കപ്പെടും. സംഗമത്തോടനുബന്ധിച്ച് ഒരുക്കിയിരിക്കുന്ന വിവിധങ്ങളായ പരിപാടികള് രാത്രി എട്ടു മണിവരെ നീണ്ടു നില്ക്കുന്നതാണ്.
പ്രവാസി സമൂഹത്തിന്റെ ഐക്യവും, സഹകരണവും കൂടുതല് ശക്തിപ്പെടുത്തുക, പിറന്ന മണ്ണിനോടുള്ള സൗഹൃദവും, പ്രതിബദ്ധതയും, വികസനോന്മുഖ ചിന്തകളും ഉദ്ധീപിപ്പിക്കുക്ക അടക്കം ലക്ഷ്യങ്ങളോടെ സംഘടിപ്പിക്കുന്ന ചങ്ങനാശ്ശേരി സ്നേഹക്കൂട്ടായ്മ്മയില് പ്രമുഖ കോക്കനട്ട് & കറി ഫുഡ് സ്റ്റോള് വിഭവ സമൃദ്ധവും രുചികരവുമായ കേരളത്തിന്റെ തനത് രുചികള് ചൂടോടെ വിളമ്പും. പഴയ സുഹൃത്തുക്കളെയും, നാട്ടുകാരെയും വീണ്ടും കണ്ടുമുട്ടാനും, പുതു തലമുറയ്ക്ക് സ്വന്തം നാടിന്റെ അഭിമാനാര്ഹമായ സംസ്കാരവും പാരമ്പര്യവും പരിചയപ്പെടുവാനും ഈ സംഗമം വേദിയാവും.
പ്രവാസി സംഗമത്തില് മനോജ് തോമസ്, ജോമോന് മാമ്മൂട്ടില്, ഫെബി ഫിലിഫ് എന്നിവര് കോര്ഡിനേറ്റര്മാരാണ്.
യുകെയിലെ വിവിധ ഭാഗങ്ങളില് നിന്നുള്ള എല്ലാ ചങ്ങനാശ്ശേരി സ്വദേശികളെയും, കുടുംബസമേതം പരിപാടിയിലേക്ക് ഹൃദയപൂര്വ്വം സ്വാഗതം ചെയ്യുന്നതായി സംഘാടകര് അറിയിച്ചു. പങ്കെടുക്കുവാന് ആഗ്രഹിക്കുന്നവര് എത്രയും വേഗം പേരുകള് രജിസ്റ്റര് ചെയ്ത് കുടുംബസംഗമത്തില് പ്രവേശനം ഉറപ്പാക്കുവാന് അഭ്യര്ത്ഥിക്കുന്നു.
https://forms.gle/68obB9YCsNvoyZ4k6
Feby Philip: 07597 671197 (Peterborough)
Manoj Thomas:07846 475589
Jomon Mammoottil: 07930431445
MANOR FARM COMMUNITY CENTRE, 70 HIGH STREET EYE, PETERBOROUGH, PE6 7UY
Appachan Kannanchira
