പ്രെസ്റ്റന്‍ .ഗ്രേറ്റ് ബ്രിട്ടണ്‍ രൂപതയിലെ മതപഠന ക്ലാസ്സുകളിലെ കുട്ടികള്‍ക്കായി നടത്തുന്ന സുവാറ ബൈബിള്‍ ക്വിസ് മത്സരങ്ങളുടെ മൂന്നാം റൗണ്ട് മത്സരത്തിലെ രണ്ടാമത്തെ ആഴ്ചയിലെ മത്സരം ഇന്ന് . ഫൈനല്‍ മത്സരത്തിലെ കടക്കാന്‍ ഇനി ഏതാനും ആഴ്ചകള്‍ മാത്രം. മത്സരാര്‍ത്ഥികള്‍ കൂടുതല്‍ ആവേശത്തോടെയും ഉത്സാഹത്തോടെയും മൂന്നാം റൗണ്ട് മത്സരത്തിലേക്ക് പ്രവേശിച്ചു . ഇന്നത്തേതുള്‍പ്പെടെ രണ്ട് മത്സരങ്ങള്‍ കൂടി കഴിയുമ്പോള്‍ ഈ റൗണ്ട് മത്സരങ്ങള്‍ സമാപിക്കും . ഈ റൗണ്ടിലെ മൂന്ന് ആഴ്ചകളിലെ മത്സരങ്ങള്‍ക്കെല്ലാംകൂടി ഏറ്റവും കൂടുതല്‍ മാര്‍ക്കുകള്‍ നേടുന്ന ഓരോ എയ്ജ് ഗ്രൂപ്പിലെയും എട്ട് കുട്ടികള്‍ വീതം ഓഗസ്റ്റ് 29 തിന് നടക്കുന്ന ഫൈനല്‍ മത്സരത്തിലേക്ക് യോഗ്യത നേടും .ഫൈനല്‍ മത്സരം ലൈവ് ആയിട്ട് , ഗവണ്മെന്റ് നല്‍കുന്ന നിര്‍ദ്ദേശ്ശങ്ങള്‍ക്കനുസരിച്ച് പ്രത്യക വേദിയിലായിരിക്കും നടത്തപ്പെടുക.
മത്സരങ്ങളെക്കുറിച്ച് കൂടുതല്‍ അറിയുന്നതിനും ബൈബിള്‍ പഠന ഭാഗങ്ങള്‍ മനസിലാക്കുന്നതിനുമായി ബൈബിള്‍ അപ്പോസ്റ്റോലെറ്റിന്റെ വെബ്‌സൈറ്റ് സന്ദര്‍ശിക്കുകയോ ബൈബിള്‍ അപ്പോസ്റ്റലേറ്റുമായി ബന്ധപ്പെടുകയോ ചെയ്യണമെന്ന് ജിമ്മിച്ചന്‍ ജോര്‍ജ് അറിയിച്ചു .
http://smegbbiblekalotsavam.com/?page_id=595 .
ഷൈമോന്‍ തോട്ടുങ്കല്‍
