പലസ്തീന്‍ പ്രദേശങ്ങളില്‍ ഇസ്രായേലിന്റെ അനധികൃത കുടിയേറ്റ വളര്‍ച്ചയും അക്രമവും വര്‍ദ്ധിച്ചതായി യുഎന്‍ റിപ്പോര്‍ട്ട്

പലസ്തീനികളുടെ ഉടമസ്ഥതയിലുള്ള കെട്ടിടങ്ങള്‍ പൊളിച്ചുമാറ്റുന്നതിലെ കുത്തനെയുള്ള വര്‍ധനവും കാഗ് എടുത്തുകാട്ടി.

അധിനിവേശ ഫലസ്തീന്‍ പ്രദേശങ്ങളില്‍ ഇസ്രായേല്‍ നടത്തുന്ന കുടിയേറ്റത്തിലും വര്‍ദ്ധിച്ചുവരുന്ന അക്രമത്തിലും മിഡില്‍ ഈസ്റ്റ് സമാധാന പ്രക്രിയയ്ക്കുള്ള യുഎന്‍ പ്രത്യേക കോര്‍ഡിനേറ്റര്‍ വെള്ളിയാഴ്ച കടുത്ത ആശങ്ക പ്രകടിപ്പിച്ചു. സ്ഥിതി കൂടുതല്‍ വഷളാകുകയാണെന്ന് അദ്ദേഹം മുന്നറിയിപ്പ് നല്‍കിയതായി അനഡോലു റിപ്പോര്‍ട്ട് ചെയ്യുന്നു.

യുഎന്‍ സുരക്ഷാ കൗണ്‍സിലിനെ അഭിസംബോധന ചെയ്തുകൊണ്ട്, സിഗ്രിഡ് കാഗ്, ഇസ്രായേലിനോട് എല്ലാ നിയമവിരുദ്ധ കുടിയേറ്റ പ്രവര്‍ത്തനങ്ങളും അവസാനിപ്പിക്കണമെന്ന് ആവശ്യപ്പെടുന്ന 2334-ാം പ്രമേയം നടപ്പിലാക്കുന്നതിനെക്കുറിച്ചുള്ള ഏറ്റവും പുതിയ റിപ്പോര്‍ട്ട് അവതരിപ്പിച്ചു.

''എന്നാല്‍, കുടിയേറ്റ പ്രവര്‍ത്തനങ്ങള്‍ ഉയര്‍ന്ന നിരക്കില്‍ തുടരുകയാണ്,'' കിഴക്കന്‍ ജറുസലേമിലെ 4,920 എണ്ണം ഉള്‍പ്പെടെ, അധിനിവേശ വെസ്റ്റ് ബാങ്കില്‍ ഏകദേശം 10,600 ഭവന യൂണിറ്റുകള്‍ക്ക് ഇസ്രായേല്‍ അധികൃതര്‍ സഹായം നല്‍കുകയോ അംഗീകാരം നല്‍കുകയോ ചെയ്തിട്ടുണ്ടെന്ന് അവര്‍ പറഞ്ഞു.

പലസ്തീനികളുടെ ഉടമസ്ഥതയിലുള്ള കെട്ടിടങ്ങള്‍ പൊളിച്ചുമാറ്റുന്നതിലെ കുത്തനെയുള്ള വര്‍ധനവും കാഗ് എടുത്തുകാട്ടി. ''ഇസ്രായേല്‍ അധികാരികള്‍ 460 കെട്ടിടങ്ങള്‍ പൊളിച്ചുമാറ്റുകയോ, പിടിച്ചെടുക്കുകയോ, സീല്‍ ചെയ്യുകയോ, അല്ലെങ്കില്‍ പൊളിക്കാന്‍ ആളുകളെ നിര്‍ബന്ധിക്കുകയോ ചെയ്തു. 287 കുട്ടികളും 149 സ്ത്രീകളും ഉള്‍പ്പെടെ 576 പേരെ മാറ്റിപ്പാര്‍പ്പിച്ചു.'' അവര്‍ പറഞ്ഞു.