CURRENCY RATE -
1 GBP :
100.35 INR
1 EUR :
83.52 INR
1 USD :
75.04 INR
Last Updated :
1 Hours 50 Minutes 36 Seconds Ago
Breaking Now

തൃശൂര്‍ പൂരം ഇന്ന്, ആവേശ ലഹരിയില്‍ പൂര നഗരി

തൃശൂര്‍ പൂരാവേശത്തില്‍. പൂരങ്ങളുടെ പൂരത്തിന്​ തുടക്കമായി. രാവിലെയോടെ ചെറുപൂരങ്ങള്‍ വന്നു തുടങ്ങി.

നെയ്തലക്കാവമ്മ വടക്കുംനാഥ ക്ഷേത്രത്തിന്‍റെ തെക്കേ ഗോപുര നട തുറന്നതോടെയാണ് പൂരത്തിന് തുടക്കമായത്. നെയ്തലക്കാവമ്മയുടെ എ‍ഴുന്നള്ളത്ത് തൃശൂര്‍ പൂരത്തിന്‍റെ പ്രധാന ചടങ്ങുകളിലൊന്നാണ്.

ശനിയാഴ്ച രാവിലെ ഒമ്പതര മണിയോടെയാണ് നെയ്തലക്കാവ് സംഘം തേക്കിന്‍കാട് മൈതാനത്തെത്തിയത്. തുടര്‍ന്ന് ശ്രീമൂലം സ്ഥാനത്ത് തൊട്ട് പടിഞ്ഞാറേ നടവ‍ഴി ക്ഷേത്രത്തില്‍ കടന്നു. പിന്നെ വടക്കുംനാഥനെ വന്ദിച്ച് ക്ഷേത്ര പ്രദക്ഷിണം. പിന്നെപൂരത്തിന്‍റെ വരവറിയിച്ച് ശംഖുനാഥം മു‍ഴക്കി. പിന്നീട് വടക്കും നാഥന്‍റെ അനുവാദം വാങ്ങി തെക്കേഗോപുര നടവ‍ഴി പുറത്തേക്ക്‌. ശക്തന്‍ തമ്പുരാന് നെയ്തലക്കാവ് ക്ഷേത്രവുമായി ആത്മബന്ധമുണ്ടായിരുന്നു. അതാണ് ഈ അനുഷ്ഠാനത്തിനു പിന്നില്‍.

നാളെ കണിമംഗലം ശാസ്താവ് മതില്‍ കെട്ടിനകത്ത് പ്രവേശിക്കുന്നത് തെക്കേ ഗോപുരനട വ‍ഴിയാണ്. തുടര്‍ന്ന് എല്ലാ പൂരങ്ങളും വടക്കുംനാഥനെ വന്ദിച്ച് പുറത്തിറങ്ങുന്നതും ഇതുവ‍ഴി തന്നെ. വര്‍ഷത്തില്‍ രണ്ടുതവണ മാത്രമാണ് തെക്കേ ഗോപുരനട തുറക്കുന്നത്




കൂടുതല്‍വാര്‍ത്തകള്‍.