എഐസിസി പ്രസിഡന്റ് സോണിയ ഗാന്ധിയെ മോശമായി ചിത്രീകരിച്ച ബിജെപി സംസ്ഥാന വെസ് പ്രസിഡന്റ് എ പി അബ്ദുള്ളക്കുട്ടിയുടെ ഫേസ്ബുക്ക് പോസ്റ്റിനെതിരെ കെപിസിസി ഡിജിറ്റല്‍ മീഡിയ സെല്‍ സംസ്ഥാന പോലീസ് മേധാവിയ്ക്ക് പരാതി നല്‍കി.
വ്യാഴാഴ്ച വൈകീട്ടോടെയാണ് പൗരത്വ ബില്‍ പാസാക്കിയതില്‍ പ്രതിഷേധിച്ച് എന്ന അടിക്കുറിപ്പോടെ എഐഎംഎം നേതാവും എംപിയുമായ അസദുദ്ദീന്‍ ഒവൈസിയുടെ ചിത്രവുമായി ചേര്‍ത്ത് സോണിയ ഗാന്ധിയുടെ ചിത്രം അബ്ദുള്ളക്കുട്ടി പോസ്റ്റ് ചെയ്തത്. ഇത് അപകീര്‍ത്തിപരവും ഐടി നിയമ ലംഘനവുമാണെന്ന് ചൂണ്ടിക്കാണിച്ച് ഡിജിറ്റല്‍ മീഡിയ സെല്‍ കണ്‍വീനറാണ് പരാതി നല്‍കിയത്.
