CURRENCY RATE -
1 GBP :
96.69 INR
1 EUR :
81.73 INR
1 USD :
79.63 INR
Last Updated :
59 Minutes 3 Seconds Ago
Breaking Now

രാജ്യത്തെ ഏറ്റവും സുന്ദരനായ നടന്മാരില്‍ ഒരാളാണ് ദുല്‍ഖര്‍ '; പ്രഭാസ്

ദുല്‍ഖര്‍ സല്‍മാനെ പുകഴ്ത്തി തെന്നിന്ത്യന്‍ സൂപ്പര്‍ സ്റ്റാര്‍ പ്രഭാസ്. രാജ്യത്തെ ഏറ്റവും സുന്ദരനായ നടന്മാരില്‍ ഒരാളാണ് ദുല്‍ഖറെന്നാണ് പ്രഭാസ് പറഞ്ഞത്. ദുല്‍ഖര്‍ കേന്ദ്ര കഥാപാത്രത്തെ അവതരിപ്പിക്കുന്ന സീതാരാമത്തിന്റെ പ്രീ റിലീസ് ഇവന്റിലായിരുന്നു പ്രഭാസിന്റെ പ്രതികരണം. സീതാ രാമം ഒരു പ്രണയ കഥ മാത്രമല്ലെന്നും സിനിമയ്ക്കായി കാത്തിരിക്കുകയാണെന്നും പ്രഭാസ് പറഞ്ഞു. സിനിമയുടെ ട്രെയിലര്‍ അസാധാരണമായി തോന്നുന്നു. രാജ്യത്തെ ഏറ്റവും സുന്ദരനായ നായകന്മാരില്‍ ഒരാളാണ് ദുല്‍ഖര്‍. ഒരു സൂപ്പര്‍ സ്റ്റാറാണ് അദ്ദേഹമെന്നും പ്രഭാസ് പറഞ്ഞു.

'മഹാനടി' എത്ര മികച്ച ചിത്രമാണ്. ദുല്‍ഖറിന്റെയും മൃണാലിന്റെയും പ്രകടനത്തെ പുകഴ്ത്തുകയാണ് എല്ലാവരും. തനിക്ക് സിനിമ കാണണമെന്നേയുള്ളൂ. ഇത്രയും പാഷനും വമ്പന്‍ ബഡ്ജറ്റുമായി ഒരു സിനിമ നിര്‍മ്മിക്കുക എന്നത് അത്ര എളുപ്പമുള്ള കാര്യമല്ല. പ്രണയകഥയ്‌ക്കൊപ്പം ഒരു യുദ്ധ സീക്വന്‍സും ചിത്രത്തില്‍ ഉണ്ടാകുമെന്ന് തോന്നുന്നു.

ഇതൊരു പ്രണയകഥ മാത്രമല്ല, സിനിമയില്‍ മറ്റ് ഘടകങ്ങളുണ്ടെന്നും അദ്ദേഹം പറഞ്ഞു. സീതാ രാമത്തിന്റെ സംവിധായകനായ ഹാനു രാഘവപുഡിയുടെ സിനിമകള്‍ താന്‍ മുന്‍പ് കണ്ടിട്ടുണ്ട്. അദ്ദേഹം മനോഹരമായ ഒരു സംവിധായകനാണ്. അദ്ദേഹത്തിന്റെ സിനിമ കവിത പോലെയാണ്. ഇന്‍ഡസ്ട്രിയില്‍ നമുക്കുള്ള ഏറ്റവും മനോഹരമായ സംവിധായകരില്‍ ഒരാളാണ് അദ്ദേഹമെന്നും പ്രഭാസ് പറഞ്ഞു.

 




കൂടുതല്‍വാര്‍ത്തകള്‍.