CURRENCY RATE -
1 GBP :
0.00 INR
1 EUR :
0.00 INR
1 USD :
0.00 INR
Last Updated :
1 Hours 1 Minutes 35 Seconds Ago
Breaking Now

വീടും 2.25 കോടിയും കൈമാറി; ഇനി യാമിനിയുടെ ഊഴം

ഗണേശ് കുമാർ-യാമിനി വിവാഹമോചന കരാറിലെ വ്യവസ്ഥകൾ പാലിക്കുന്നതിന്റെ ഭാഗമായി രൂപം നൽകിയ കരാറിലെ വ്യവസ്ഥകൾ ഗണേശ് പൂർണ്ണമായി പാലിച്ചു.

ഗണേശ്കുമാറിന്റെ ഉടമസ്ഥതയിലുളള വഴുതക്കാട്ടെ വീട് യാമിനിക്കും കുട്ടികൾക്കും ബുധനാഴ്ച കൈമാറിയത് കൂടാതെ 2.25 കോടി രൂപയും നൽകി. മാനഹാനിക്ക് പരിഹാരമായി പൊതുജന സമക്ഷം ഖേദം പ്രകടിപ്പിക്കുകയും ചെയ്തതോടെയാണ് കരാറിലെ വ്യവസ്ഥകൾ ഗണേശ് പൂർത്തിയാക്കിയത്.
ഇതോടെ ഗാർഹിക പീഡന ഹർജിയും പൊലീസിൽ നൽകിയ പരാതിയും യാമിനി ഇന്ന് പിൻവലിക്കും. ശേഷം ഇരുവരും കുടുംബ കോടതിയിൽ സംയുക്തമായി വിവാഹമോചന ഹർജി സമർപ്പിക്കും.
ഗാർഹിക പീഡന ഹർജി ഇന്ന് ചീഫ് ജുഡീഷ്യൽ മജിസ്‌ട്രേ​റ്റ് കോടതി പരിഗണിക്കുമ്പോൾ യാമിനി നേരിട്ട് എത്തി ഹർജി പിൻവലിക്കുന്നതിന് അനുമതി തേടും. കോടതി നിർദ്ദേശിച്ച പ്രകാരം പ്രശ്‌നം ഒത്തുതീർന്നതായി രേഖാമൂലം അറിയിക്കും. കുടുംബ കോടതിയിൽ ഗണേശ് സമർപ്പിച്ച വിവാഹ മോചന ഹർജി പിൻവലിക്കാൻ നൽകിയ അപേക്ഷ അനുവദിച്ച് ഇന്നലെ കോടതി രേഖകളിൽ നിന്ന് നീക്കം ചെയ്തു.
ചീഫ് ജുഡീഷ്യൽ മജിസ്‌ട്രേ​റ്റ് എം.ബി. സ്‌നേഹലതയുടെ ചേമ്പറിൽ നടന്ന മദ്ധ്യസ്ഥ ചർച്ചകൾക്ക് ഒടുവിലാണ് പ്രശ്‌നം ഒത്ത്തീർപ്പാക്കൽ ധാരണയുണ്ടായത്. ഇതിനായി ഇരുകൂട്ടരും ചേർന്നുള്ള പുതിയ കരാറിന് രൂപം നൽകി. ഗണേശന്റെ താമസസ്ഥലമായ വെളളയമ്പലത്തെ അജന്തയിൽ വച്ചാണ് ധനനിശ്ചയാധാര പ്രകാരം ഇന്നലെ വീടിന്റെ രജിസ്‌ട്രേഷൻ നടപടികൾ പ്രിൻസിപ്പൽ സബ് രജിസ്ട്രാർ നേരിട്ട് എത്തി പൂർത്തിയാക്കിയത്. ഇതിനുശേഷം യാമിനിയുടെയും കുട്ടികളുടെയും പേരിൽ 75 ലക്ഷം രൂപ വീതമുളള മൂന്ന് ഡിമാൻഡ് ഡ്രാഫ​‌‌്ര്രുകളായി 2.25 കോടി രൂപയും മദ്ധ്യസ്ഥൻ വഴി നൽകി.

 

 




കൂടുതല്‍വാര്‍ത്തകള്‍.