CURRENCY RATE -
1 GBP :
0.00 INR
1 EUR :
0.00 INR
1 USD :
0.00 INR
Last Updated :
2 Hours 10 Minutes 36 Seconds Ago
Breaking Now

എം കെ പ്രേംനാഥ് ജനതാദള്‍ എസ്സിലേക്ക്

സോഷ്യലിസ്റ്റ് ജനതയുടെ വൈസ് പ്രസിഡന്റ് സ്ഥാനത്തുനിന്ന് പുറത്താക്കപ്പെട്ട എം.കെ പ്രേംനാഥ്, മാത്യു ടി തോമസ് നയിക്കുന്ന ജനതാദള്‍ എസില്‍ ചേരാന്‍ ധാരണയായി.

ഇതിന് മുന്നോടിയായി തിരുവല്ലയില്‍ ജനതാദള്‍ എസ് സംഘടിപ്പിച്ച ഉമ്മന്‍ തലവടി അനുസ്മരണ പരിപാടിയില്‍ മുഖ്യപ്രഭാഷണം നടത്താനെത്തിയ എം കെ പ്രേംനാഥ് മുന്‍ധാരണ പ്രകാരം മാത്യൂ ടി തോമസുമായി കൂടിക്കാഴ്ച്ച നടത്തി. 

പിളര്‍പ്പിന് ശേഷം മാത്യൂ ടി തോമസുമായി പ്രേംനാഥ് ഒരേ വേദി പങ്കിടുന്നത് ഇതാദ്യമായാണ്.  പരിപാടി ഉമ്മന്‍ അനുസ്മരണമായിരുന്നുവെങ്കിലും ഇരുനേതാക്കളും പുനര്‍ ഏകീരണം സംബന്ധച്ച് വാചാലരായി. സോഷ്യലിസ്റ്റ് ചിന്താഗതിക്കാര്‍ ഒന്നിക്കണമെന്നാണ് തന്റെ ആഗ്രഹമെന്ന് യോഗത്തിന് ശേഷം പ്രേംനാഥ് അറിയിച്ചു. ജനതാദള്‍ ആര്‍ക്ക് മുന്നിലും വാതില്‍ അടച്ചിട്ടില്ലെന്നും പാര്‍ട്ടിയും മുന്നണിയും വിട്ടുപോയവര്‍ക്ക് എപ്പോള്‍ വേണമെങ്കിലും തിരിച്ചുവരാമെന്നും അവരെ ജനതാദള്‍ സ്വാഗതം ചെയ്യുന്നതായും മാത്യൂ ടി തോമസ് പറഞ്ഞു.

സോഷ്യലിസ്റ്റ് ജനതാദളുമായി പിരിയാന്‍ തീരുമാനിച്ച പ്രേംനാഥും കൂട്ടരും ജനതാദള്‍ എസ്സില്‍ എന്ന് എത്തിചേരുമെന്ന കാര്യത്തില്‍ അന്തിമ തീരുമാനമായിട്ടില്ല. ചര്‍ച്ചകള്‍ക്ക് ശേഷം ഇത് ഉടനുണ്ടാകുമെന്നാണ് അറിയുന്നത്.




കൂടുതല്‍വാര്‍ത്തകള്‍.