സിനിമയ്ക്കൊപ്പം ടെലിവിഷന് സീരിയല് അഭിനയവും ഒന്നിച്ചുകൊണ്ടുപോയത് ഒരു കുറച്ചിലായി ഒരിക്കലും തോന്നിയിട്ടില്ലെന്ന് നടി ശാന്തികൃഷ്ണ. മലയാളത്തില് ഒരു സിനിമാ നടി ആദ്യമായി ടെലിവിഷന് രംഗത്തേക്ക് വരുന്നത് താനായിരിക്കുമെന്നും അവര് പറയുന്നു.
'സിനിമയില് സജീവമായിരിക്കുമ്പോ ഴായിരുന്നു ഞാന് 'ചാപല്യം' എന്ന സീരിയല് ചെയ്തത്. അതിലെ കൃഷ്ണ പ്രഭയുടെ റോള് പ്രേക്ഷകര്ക്ക് ഒരുപാട് ഇഷ്ടമായി.
സിനിമയില് സജീവമായി നില്ക്കുന്ന ഒരു നായിക നടി സീരിയല് രംഗത്തേക്ക് വന്നു ഒരു പ്രധാന റോള് ഏറ്റെടുക്കുന്നതിന്റെ തുടക്കം ചിലപ്പോള് എന്നില് നിന്ന് ആകാമെന്ന് തോന്നുന്നു. സീരിയലില് അഭിനയിക്കുന്നത് കുറച്ചിലാണെന്ന് എനിക്ക് തോന്നിയിരുന്നില്ല.
നല്ല ഒരു കഥാപാത്രം വന്നപ്പോള് ചെയ്തു. സിനിമയും സീരിയലും തമ്മില് എനിക്ക് വലിയ വ്യത്യാസം തോന്നിയിട്ടില്ല. ക്യാമറയുടെ വ്യത്യാസം മാത്രമേയുള്ളൂ. അഭിനേതാക്കള്ക്ക് അതില്ല. എന്നെ സംബന്ധിച്ച് രണ്ടും കഥാപാത്രങ്ങളാണ്. അഭിനയിക്കുക എന്നതാണ് പ്രധാനം, ശാന്തി കൃഷ്ണ പറയുന്നു.