നടന് വിജയ് ഉടന് രാഷ്ട്രീയത്തിലിറങ്ങുമെന്ന് പിതാവ് എസ്. ചന്ദ്രശേഖര്. എന്നാല് ഒരു കാരണവശാലും വിജയ് ബി.ജെ.പിയില് ചേരില്ലെന്നും അദ്ദേഹം വ്യക്തമാക്കി.
നേരത്തെ ദക്ഷിണേന്ത്യന് സിനിമാ താരവും കോണ്ഗ്രസ് നേതാവുമായിരുന്ന ഖുശ്ബു സുന്ദര് ബി.ജെ.പിയില് ചേര്ന്നിരുന്നു. ഇതിന് പിന്നാലെ വിജയും ബി.ജെ.പിയില് ചേര്ന്നേക്കുമെന്ന ഊഹാപോഹങ്ങള് ഉണ്ടായിരുന്നു.
വിജയിയുടെ രാഷ്ട്രീയ പ്രവേശനം കഴിഞ്ഞ കുറെ നാളായി വാര്ത്തകളില് ഇടം നേടിയിരുന്നു. നേരത്തെ മെര്സല് എന്ന സിനിമയില് കേന്ദ്രസര്ക്കാരിന്റെ ജി.എസ്.ടിയേയും മറ്റ് സാമ്പത്തിക പരിഷ്കാരങ്ങളേയും വിജയ് വിമര്ശിച്ചിരുന്നു.
തന്റെ കഴിഞ്ഞ മൂന്ന് സിനിമകളുടെ ഓഡിയോ ലോഞ്ചിലും വിജയ് കൃത്യമായ രാഷ്ട്രീയം മുന്നോട്ടുവെച്ചിരുന്നു. താന് മുഖ്യമന്ത്രിയായാല് ആ സ്ഥാനത്തിരുന്ന് അഭിനയം നടത്തില്ല. എന്റെ ജോലി സത്യസന്ധമായി ചെയ്യും എന്നായിരുന്നു ഒരു വേദിയില് വിജയ് തുറന്നടിച്ചത്.